पाळीव बुलडॉगने 4 वर्षांच्या चिमुकलीवर केला जीवघेणा हल्ला! केस आणि त्वचा ओरबाडली... अखेर, मुलीचा दुर्दैवी मृत्यू

बुलडॉगचा 4 वर्षांच्या मुलीवर जीवघेणा हल्ला 

संबंधित घटना ही पारू पोलीस स्टेशन हद्दीतील मोहजना गावात घडली. मिळालेल्या माहितीनुसार, मंगळवारी (25 नोव्हेंबर) एका कुटुंबातील पाळीव बुलडॉग प्रजातीच्या कुत्र्याने पीडित शिवानीवर जीवघेणा हल्ला केला. या हल्ल्यात चिमुकली गंभीररित्या जखमी झाली आणि तिला रुग्णालयात उपचारात दाखल करण्यात आलं. परंतु, बुधवारी (26 नोव्हेंबर) उपचारादरम्यान तिचा रुग्णालयात मृत्यू झाला. या हल्ल्यात, कुत्र्याने पीडितेच्या डोक्यावरील त्वाचा फाडून टाकली होती. 

जबड्याने धरलं अन्... 

पोलीस अधिकाऱ्यांनी दिलेल्या माहितीनुसार, मृत मुलीच्या वडिलांनी केलेल्या तक्रारीच्या कारवाई केली जाईल. मुलीचे वडील कमलेश सहनी यांनी या प्रकरणाबाबत सांगितलं की, मंगळवारी त्यांची मुलगी शिवानी तिच्या भावंडांसोबत गावातील मंदिरात जात होती. तिथून काही अंतरावर, दबंग कुटुंबातील एका व्यक्ती साखळीने बांधलेल्या त्यांच्या पाळीव कुत्र्याला घेऊन जात होता. परंतु, त्यावेळी त्या व्यक्तीच्या हातून ती साखळी सुटली आणि बुलडॉगने समोर दिसलेल्या मुलांवर हल्ला केला. हल्ल्याच्या वेळी, त्यातील दोन मुलं कशीबशी तिथून पळून गेलीत. मात्र, 4 वर्षांच्या शिवानीला त्या कुत्र्याने आपल्या जबड्यात पकडलं. 

हे ही वाचा: नाशिकमध्ये खळबळ! दीड वर्षाच्या मुलासह एकाच कुटुंबातील चौघांचे मृतदेह... नेमकं काय घडलं?

त्या कुत्र्याने चिमुकलीच्या डोक्यावरील केस आणि त्वचा ओरबाडून टाकली. या हल्ल्यामुळे पीडिता बेशुद्ध झाली. त्यानंतर, तिला सीएचसी येथे नेण्यात आलं आणि तिथे प्राथमिक उपचारांनंतर डॉक्टरांनी तिला एसकेएमसीएचमध्ये रेफर केलं. मात्र, तिथे तिचा उपचारादरम्यान मृत्यू झाला.