शौचासाठी रात्री घराबाहेर पडलेल्या अल्पवयीन मुलीवर सामूहिक अत्याचार, व्हॅनमध्ये आढळली पीडिता, हादरवून टाकणारी घटना

हे ही वाचा : 40 वर्षीय विवाहित प्रियकराचं 25 वर्षीय तरुणीशी प्रेमसंबंध, दोघांनी मिळून वंदेभारत खाली उडी मारत संपवलं जीवन, सुसाईड नोटमध्ये...

पीडित मुलगी रात्री शौचास जाण्यास घराबाहेर पडली अन्...

वृत्तमाध्यमाने दिलेल्या माहितीनुसार, ही घटना 7 जानेवारी रोजी घडल्याचं सांगण्यात येत आहे. पीडित मुलगी रात्री 10:30 वाजता शौचास जाण्यास घराबाहेर पडली होती. मोटारसायकलवरून तीन तरुण आले. हे तिघेही पुरुष पीडिता आणि तिच्या कुटुंबाला ओळखत होते, असे वृत्त आहे. आरोपींनी पीडितेचं जबरदस्तीने अपहरण केलं आणि तिला सुमारे 2.5 ते 3 किमी अंतरावर दुसऱ्या गावात घेऊन गेले होते.

पाण्याच्या टाकीजवळील खोलीत नेऊन केले अत्याचार 

आरोपींनी पीडितेचं अपहरण केलं आणि नंतर तिला पाण्याच्या टाकीजवळील एका खोलीत नेले. त्या ठिकाणी काही वेळापूर्वी एक कार घेऊन काही आरोपी वाट पाहत होते. आरोपीने पीडितेशी शरीरसंबंध ठेवण्याची मागणी केली होती. तसेच किशोरीने प्रतिकार केल्यानंतर तिला मारहाण केली. त्या आठही जणांनी आळीपाळीने लैंगिक अत्याचार केल्याचं सांगण्यात येत आहे.

घराबाहेर उभी असलेल्या फॅमिली व्हॅनमध्ये पीडिता आढळली

यादरम्यान काही आरोपींनी पीडितेचे हात आणि पाय दाबले, यामुळे पीडितेला आवाज करता आला नाही. बुधवारी रात्री 8 वाजताच्या सुमारास कुटुंब झोपले होते, अशातच वडील जागे झाले असता मुलगी अंथरुणावरच दिसत नव्हती. कुटुंबाने रात्रभर गावात आणि परिसरात तिचा शोध घेण्यास सुरुवात केली. गुरुवारी सकाळी, पीडिता घराबाहेर उभी असलेल्या एका फॅमिली व्हॅनमध्ये आढळली होती, भीतीमुळे तिने दार ठोठावलं नव्हतं असं सांगण्यात येत आहे.