12 वर्षाच्या मुलीवर गँगरेप! भाजप कार्यकर्त्याने घरी बोलावलं आणि नंतर…
Basti gangrape case : उत्तर प्रदेशातील बस्ती जिल्ह्यात एका अल्पवयीन मुलीवर सामूहिक बलात्कार झाल्याची घटना समोर आली आहे. गँगरेपनंतर पीडितेचा अतिरक्तस्रावामुळे मृत्यू झाला.
ADVERTISEMENT
Basti gangrape case : उत्तर प्रदेशातील बस्ती जिल्ह्यात एका अल्पवयीन मुलीवर सामूहिक बलात्कार करण्यात आल्याची घटना समोर आली आहे. गँगरेपनंतर पीडितेचा अतिरक्तस्रावामुळे मृत्यू झाला. याप्रकरणी पोलिसांनी एकूण दोन आरोपींना अटक केली आहे.
आतापर्यंत मिळालेल्या माहितीनुसार, ही घटना 5 जून रोजी रात्री 10 च्या सुमारास घडली. ही अल्पवयीन मुलगी सायंकाळी बाजारातून भाजी घेण्यासाठी घराबाहेर पडली होती. बराच उशीर होऊनही मुलगी घरी न पोहोचल्याने नातेवाईकांनी शोधाशोध सुरू केली. त्याचवेळी कछिया-बियुपूर रस्त्यावरील एका शाळेजवळ एका मुलीचा मृतदेह पडल्याची माहिती मिळाली. मुलीचे कुटुंबीय घटनास्थळी पोहोचले आणि पोलिसांनाही या प्रकरणाची माहिती देण्यात आली.
आरोपीचे भाजपशी संबंध
अनेक मीडिया रिपोर्ट्समध्ये प्रसिद्ध झालेल्या बातम्यांनुसार, बिरौपूर येथील रहिवासी मोनू निषाद याने गावातील एका व्यक्तीला मृतदेहाबाबत माहिती दिली होती. त्यानंतर पोलिसांनी या प्रकरणाचा तपास सुरू केला. पोलिसांना दिलेल्या माहितीनुसार पीडितेच्या आईने मोनू निषाद, राजन निषाद आणि कुंदन सिंग यांच्यावर तिच्या मुलीवर बलात्कार करून हत्या केल्याचा आरोप केला आहे.
हेही वाचा >> सुसंस्कृत पुणे हादरलं, अल्पवयीन मुलीच्या बॉयफ्रेंडसोबत बायकोने पतीचा घरातच काढला काटा
तिन्ही आरोपी भाजपशी संबंधित असल्याचे सांगण्यात येत आहे. रिपोर्टनुसार, कुंदन सिंह हे भाजप किसान मोर्चा गौर मंडळाचे उपाध्यक्ष आहेत. तर उर्वरित दोन आरोपी भाजपचे कार्यकर्ते असल्याचे सांगण्यात येत आहे.
हे वाचलं का?
