हे ही वाचा : सोनं-चांदी, शेतजमीन ते कर्ज...; शिंदेंच्या शिवसेनेच्या फायरब्रँड नेत्या ज्योती वाघमारेंची संपत्ती किती?

मुलीचा फोन बंद असल्याने आई-वडील चिंतेत

मिळालेल्या माहितीनुसार, मुलगी सरिता हिचे लग्न सुमारे चार वर्षांपूर्वी आरवा येथील रहिवासी सोहनलाल बिश्नोई याच्याशी झाले होते. सध्या सरिता जोधपूरमध्ये राहून शिक्षण घेत आहे. गेल्या तीन दिवसांपासून सरिताचा फोन बंद असल्याने तिचे वडील बाबूलाल आणि आई केलीदेवी चिंतेत होते.

गाडी अडवून हल्ला

याप्रकरणी तक्रार देण्यासाठी बाबूलाल आणि त्यांची पत्नी सरवाना पोलीस ठाण्याकडे जात असताना, एका कारने त्यांची गाडी अडवली. त्या कारमध्ये सोहनलाल बिश्नोई आणि त्याचे इतर साथीदार होते. आरोप आहे की, या सर्वांनी केलीदेवी यांना जबरदस्तीने गाडीतून खाली उतरवले आणि त्यांना मारहाण करण्यास सुरुवात केली. याच दरम्यान सोहनलालने कात्रीने आपली सासू केलीदेवी यांचे नाक कापले. एवढेच नाही तर त्याने नाकातील सोन्याचा दागिनाही हिसकावून घेतला आणि आपल्या साथीदारांसह घटनास्थळावरुन पळ काढला.