'आमच्या ग्रुपमध्ये सामील हो..', तृतीयपंथीयाने तरुणाच्या प्रायव्हेट पार्टवर ब्लेडने वार केल्याचा आरोप
Crime News : मुजफ्फरनगरच्या अकबरगड गावात तरुणाच्या प्रायव्हेट पार्टवर ब्लेडने हल्ला केल्याचा आरोप झाला आहे. तृतीयपंथीय आणि त्याच्या साथीदारांवर आरोप असून पोलिसांनी दोघांना ताब्यात घेत चौकशी सुरू केली आहे.
ADVERTISEMENT
बातम्या हायलाइट
'आमच्या ग्रुपमध्ये सामील हो..',
तृतीयपंथीयाने तरुणाच्या प्रायव्हेट पार्टवर ब्लेडने वार केल्याचा आरोप
Crime News : उत्तर प्रदेशातील मुजफ्फरनगरमधून एक धक्कादायक घटना समोर आली आहे. चरथावल पोलीस ठाण्याच्या हद्दीतील अकबरगड गावात एका तरुणाच्या प्रायव्हेट पार्टवर ब्लेडने हल्ला करून त्याला गंभीर जखमी केल्याचा आरोप आहे. 1 सप्टेंबर रोजी दुपारी ही घटना घडली. तरुण शेताच्या दिशेने गवत कापण्यासाठी गेला होता. त्यानंतर तो जखमी अवस्थेत आढळून आला. त्याच्या प्रायव्हेट पार्टवर ब्लेडने वार करण्यात आल्याचे समोर आले. घटनेची माहिती मिळताच ग्रामस्थांनी त्याला तातडीने रुग्णालयात दाखल केले. त्याच्यावर उपचार सुरू असून सध्या त्याची प्रकृती स्थिर असल्याचे पोलिसांनी सांगितले आहे.
हेही वाचा : शौचालयाची खिडकी तोडली अन्... हत्या, लूट, चोरीच्या अल्पवयीन आरोपींमुळे नागपूरमध्ये खळबळ
तरुणाला काहीतरी हुंगवलं अन् नंतर ब्लेडने हल्ला
ग्रामस्थांच्या माहितीनुसार, तरुण शेताच्या दिशेने गवत कापण्यासाठी गेला असताना एका तृतीयपंथीयाने आणि त्याच्यासोबत असलेल्या अन्य दोन व्यक्तींनी त्याला पकडल्याचा आरोप आहे. तरुणाला त्यांच्या ग्रुपमध्ये सहभागी करून घेण्यावरून वाद झाल्याचा दावा एका ग्रामस्थाने केला आहे. याचदरम्यान तरुणाला काहीतरी हुंगवण्यात आले आणि त्यानंतर त्याच्या प्रायव्हेट पार्टवर ब्लेडने हल्ला करण्यात आल्याचा आरोप आहे. मात्र, या घटनेमागील नेमके कारण काय होते, याची पोलिसांनी अद्याप अधिकृतपणे पुष्टी केलेली नाही. घटनेनंतर परिसरात आरडाओरड झाल्याने आसपासचे लोक घटनास्थळी पोहोचले. त्यावेळी तरुण रक्तबंबाळ अवस्थेत असल्याचे ग्रामस्थांनी सांगितले. त्यानंतर आरोपी घटनास्थळावरून फरार झाल्याचा दावा करण्यात आला.
हेही वाचा : नांदेडमध्ये भरधाव वाहनाच्या धडकेत विद्यार्थिनीचा मृत्यू, घटनेनं परिसर हादरला