दुर्घटना लपवण्यासाठी केला मर्डर, नंतर नार्को टेस्टच्या भितीमुळे भावालाच संपवलं, दुहेरी हत्याकांडाचा कसा झाला उलगडा?
Crime News : तपासादरम्यान पोलिसांनी सीडीआर आणि बीटीएसचे विश्लेषण केले तसेच गुप्त माहितीच्या आधारे पुरावे गोळा केले. चौकशीदरम्यान मांगीलाल चौधरी याने धक्कादायक कबुली दिली. शेतातील पिकांचे संरक्षण करण्यासाठी लावलेल्या विजेच्या तारेच्या संपर्कात आल्याने बुटारामचा मृत्यू झाल्याचे त्याने सांगितले.
ADVERTISEMENT
बातम्या हायलाइट
दुर्घटना लपवण्यासाठी केला मर्डर
नंतर नार्को टेस्टच्या भितीमुळे भावालाच संपवलं
दुहेरी हत्याकांडाचा कसा झाला उलगडा?
Crime News Marathi : राजस्थानातील Jalore जिल्ह्यातल्या ऐलाना गावात घडलेल्या दोन स्वतंत्र खूनप्रकरणांचा पोलिसांनी उलगडा केला आहे. या तपासातून उघड झालेली माहिती नातेसंबंधांनाच काळिमा फासणारी ठरली आहे. सख्ख्या भावाच्या मृत्यूप्रकरणात त्याचा भाऊच खुनी असल्याचे समोर आले आहे.
जिल्हा पोलीस अधीक्षक शैलेन्द्रसिंह इंदोलिया यांच्या निर्देशानुसार वॉन्टेड गुन्हेगारांना अटक करणे आणि गंभीर गुन्ह्यांचा तातडीने उलगडा करण्यासाठी विशेष मोहीम राबवली जात होती. अतिरिक्त पोलीस अधीक्षक मोटाराम गोदारा आणि सर्कल अधिकारी गौतम जैन यांच्या मार्गदर्शनाखाली ठाणाधिकारी मनोज कुमार यांच्या नेतृत्वात विशेष पथक स्थापन करण्यात आले. या पथकाने ऐलाना गावात नोंद असलेल्या प्रकरणाची सखोल चौकशी सुरू केली.
पहिले प्रकरण 1 जानेवारी 2026 रोजी दाखल झाले. खेकाराम भील यांनी दिलेल्या तक्रारीनुसार त्यांचा मुलगा बुटाराम हा 21 डिसेंबर 2025 पासून बेपत्ता होता. 28 डिसेंबर रोजी तेलवाडा सरहद्दीत त्याचा मृतदेह आढळून आला. कुटुंबीयांनी मांगीलाल आणि त्याचा भाऊ तेजाराम यांच्यावर खुनाचा संशय व्यक्त केला. याप्रकरणी भारतीय न्याय संहिता कलम 103(1) तसेच एससी/एसटी अत्याचार प्रतिबंधक कायद्यान्वये गुन्हा दाखल करण्यात आला.
हे वाचलं का?
