सावकाराने इतकं टॉर्चर केलं की घरावर अक्षरश: वरवंटा फिरला, एकाच कुटुंबातील चौघांनी विष प्यायलं, तिघांचा मृत्यू
Crime News : पोलिसांनी घटनास्थळाचा पंचनामा केला असता त्यांना तीन पानांची एक सुसाईड नोट सापडली आहे. या चिठ्ठीतून या आत्महत्येमागचे भीषण वास्तव समोर आले आहे. कुटुंबाने आपल्या मृत्यूसाठी वैभव रुंगटा नामक सावकाराला जबाबदार धरले आहे.
ADVERTISEMENT
बातम्या हायलाइट
सावकाराने इतकं टॉर्चर केलं की घरावर अक्षरश: वरवंटा फिरला
एकाच कुटुंबातील चौघांनी विष प्यायलं, तिघांचा मृत्यू
Crime News : गुजरातच्या सूरत शहरातून एक अत्यंत हृदयद्रावक आणि धक्कादायक घटना समोर आली आहे. आर्थिक विवंचना आणि सावकाराच्या जाचाला कंटाळून एकाच कुटुंबातील चार सदस्यांनी विष प्राशन करून आत्महत्या करण्याचा प्रयत्न केला. या दुर्दैवी घटनेत पती, पत्नी आणि एका मुलीचा मृत्यू झाला असून, दुसरी मुलगी मृत्यूशी झुंज देत आहे. या घटनेमुळे संपूर्ण परिसरात शोककळा पसरली आहे.
नेमकी घटना काय?
सूरतच्या वेसू भागातील 'हॅप्पी एलिगन्स' अपार्टमेंटमध्ये बालमुकुंद हे आपल्या कुटुंबासह राहत होते. मिळालेल्या माहितीनुसार, या कुटुंबाने टोकाचे पाऊल उचलत विष प्राशन केले. घटनेची माहिती मिळताच वेसू पोलिसांनी घटनास्थळी धाव घेतली. तिथे बालमुकुंद, त्यांची पत्नी प्रियांका आणि मुलगी पृथ्वी यांचा मृत्यू झाला होता. सुदैवाने, दुसरी मुलगी भव्या हिचा जीव वाचला असून तिला तातडीने जवळच्या रुग्णालयात दाखल करण्यात आले आहे. सध्या तिच्यावर उपचार सुरू असून तिची प्रकृती चिंताजनक असल्याचे सांगण्यात येत आहे.
तीन पानांची सुसाईड नोट आणि सावकाराचा जाच
पोलिसांनी घटनास्थळाचा पंचनामा केला असता त्यांना तीन पानांची एक सुसाईड नोट सापडली आहे. या चिठ्ठीतून या आत्महत्येमागचे भीषण वास्तव समोर आले आहे. कुटुंबाने आपल्या मृत्यूसाठी वैभव रुंगटा नामक सावकाराला जबाबदार धरले आहे.
हे वाचलं का?
