बेपत्ता महिलेची बॉडी जंगलात सापडला, DNA चाचणीमुळे सापडला खुनी; भयंकर प्रकरण!
Crime News : एका विवाहितेची हत्या करून मृतदेह जाळणाऱ्या 55 वर्षीय शेतकऱ्याला पोलिसांनी अटक केली असून डीएनए चाचणीतून हे गूढ उकलले आहे.
ADVERTISEMENT
बातम्या हायलाइट
बेपत्ता महिलेची बॉडी जंगलात सापडला,
DNA चाचणीमुळे सापडला खुनी; भयंकर प्रकरण!
Crime News : एका बेपत्ता महिलेचा प्रकरणाचा तपास करताना एका धक्कादायक हत्येचा उलगडा झाला आहे. 26 वर्षीय श्वेता बी. ही महिला 19 जानेवारी रोजी मायासांद्रा गावी वैयक्तिक कामासाठी जात असल्याचे सांगून घरून बाहेर पडली होती, मात्र ती परतली नाही. पतीने बेपत्ता झाल्याची तक्रार दाखल केल्यानंतर पोलिसांनी शोध सुरू केला. दरम्यान, 1 फेब्रुवारी रोजी रामसागर राखीव वनक्षेत्रात एका अज्ञात महिलेचा मृतदेह जळालेल्या अवस्थेत आढळला. मृतदेहाची ओळख पटवणे कठीण असल्याने पोलिसांनी डीएनए चाचणीचा आधार घेतला, ज्यातून हा मृतदेह श्वेताचाच असल्याचे स्पष्ट झाले.
हेही वाचा : 'तू उशीरा का आलीस?' हात-पाय बांधले अन् गरम इस्त्रीने...; पोलिसानं हे काय केलं?
सोन्याची नथ आणि बांगड्यांचे तुकडे सापडले अन्,...
तपासादरम्यान पोलिसांना घटनास्थळावरून अर्धवट जळालेली पादत्राणे, सोन्याची नथ आणि बांगड्यांचे तुकडे सापडले. श्वेताच्या कुटुंबीयांनी या वस्तूंची ओळख पटवल्यानंतर पोलिसांनी संशयाची सुई तिच्या जवळच्या व्यक्तींकडे वळवली. तांत्रिक पुरावे आणि कॉल रेकॉर्ड्सच्या मदतीने पोलिसांनी 55 वर्षीय भानूप्रकाश या शेतकऱ्याला ताब्यात घेतले. चौकशीअंती भानूप्रकाश आणि श्वेता यांच्यात अनैतिक संबंध होते, परंतु श्वेताचे इतर पुरुषांशी असलेले संबंध असल्याच्या संशयावरून भानूप्रकाश तिच्यावर रागावत होता आणि त्यातूनच त्याने तिला संपवण्याचा कट रचला.
हेही वाचा : सोलापूर विधानपरिषद : गोरे म्हणाले विरोधकांकडे 16 मतंही नाहीत, आता धैर्यशील मोहितेंचं जोरदार प्रत्युत्तर
