ज्योती मल्होत्राने पाकिस्तानी अधिकाऱ्याशी लग्न केलेलं? पोलिसांनी सांगितलं सत्य!
Jyoti Malhotra Youtuber: पाकिस्तानसाठी हेरगिरी केल्याच्या आरोपाखाली अटक केलेल्या ज्योती मल्होत्रा हिच्याविषयी नवनवीन माहिती समोर येत आहे. दरम्यान, हिसार पोलिसांनी आता ज्योतीबाबत एक नवी माहिती दिली आहे.
ADVERTISEMENT
Jyoti Malhotra Pakistan: नवी दिल्ली: पाकिस्तानच्या गुप्तचर संस्थेसाठी हेरगिरी केल्याचा आरोप असलेल्या ज्योती मल्होत्राच्या प्रकरणात दररोज नवनवीन गोष्टी समोर येत आहेत. ज्योतीने आपली खरी ओळख लपवून धर्मांतर केले होते का? तिने इस्लाम धर्म स्वीकारून आणि पाकिस्तानी अधिकाऱ्याशी लग्न केले होते का? असे अनेक सवाल आता उपस्थित होत आहे. आता पोलिसांनी सोशल मीडियावर सुरू असलेल्या अशा सर्व दाव्यांना स्पष्ट उत्तर देऊन एक मोठी अपडेट दिली आहे.
पोलिसांचे म्हणणे आहे की, आतापर्यंतच्या तपासात ज्योतीचे धर्मांतर, लग्न किंवा कोणत्याही दहशतवादी नेटवर्कशी संबंध याबद्दल काहीही सिद्ध झालेले नाही. ज्योती अजूनही हिसार पोलिसांच्या ताब्यात आहे आणि तिचा पाच दिवसांचा रिमांड आज (22 मे) संपत आहे. या काळात, पोलिसांनी तिचा फोन, लॅपटॉप, बँक खाती आणि डिजिटल ट्रेस तपासण्याचा सर्वतोपरी प्रयत्न केला, परंतु अद्याप कोणतेही निर्णायक पुरावे सापडलेले नाहीत.
हे ही वाचा>> चेहरा भोळा अन्... ज्योती मल्होत्राने कबूल केलं 'ते' सत्य, हादरवून टाकणारी कहाणी!
एका तपास अधिकाऱ्याने सांगितले की, 'आतापर्यंतच्या तपासात ज्योतीच्या धर्मांतराचा कोणताही पुरावा सापडलेला नाही किंवा पाकिस्तानी अधिकाऱ्याशी झालेल्या तिच्या लग्नाबद्दल काहीही समोर आलेले नाही. ही पूर्णपणे अफवा आणि निव्वळ अंदाज आहे.'
डिजिटल उपकरणाच्या फॉरेन्सिक अहवालाकडे डोळे
हिसार पोलिसांनी सांगितले की, आतापर्यंत ज्योती मल्होत्राच्या मोबाइल फोन, लॅपटॉप आणि इतर डिजिटल उपकरणांचा डेटा शोधला जात आहे. परंतु या उपकरणांमधून कोणत्याही प्रकारची लष्करी माहिती, गुप्त कागदपत्रे किंवा धोरणात्मक माहिती लीक झाल्याचे कोणतेही स्पष्ट पुरावे नाहीत.
हे वाचलं का?
