राज्यात दहशत माजवणारी 'कोयता गँग' आहे तरी काय? जुन्या अंडरवर्ल्डसोबत काय आहे कनेक्शन? जाणून घ्या INSIDE स्टोरी
Koyta Gang : मागील काही दिवसांपासून राज्यात गुन्हेगारी वाढल्याचं काही घटनांच्या माध्यमातून समोर आलं आहे. कोयता गँगने राज्यभरात धुमाकूळ घातला आहे. शैक्षणिक हब म्हटल्या जाणाऱ्या पुणे शहरात कोयता गँगची मोठी दहशत असल्याचं समजते.
ADVERTISEMENT
बातम्या हायलाइट
कोयता गँग कशाप्रकारे काम करते?
कोयता गँग आहे तरी काय?
कोयता गँगने पुण्यात माजवली दहशत
Koyta Gang : मागील काही दिवसांपासून राज्यात गुन्हेगारी वाढल्याचं काही घटनांच्या माध्यमातून समोर आलं आहे. कोयता गँगने राज्यभरात धुमाकूळ घातला आहे. शैक्षणिक हब म्हटल्या जाणाऱ्या पुणे शहरात कोयता गँगची मोठी दहशत असल्याचं समजते. भर रस्त्यात कोयता घेऊन धिंगाणा घालणाऱ्या काही टोळ्यांच्या मुसक्याही पोलिसांनी आवळल्या आहेत. पण काही जण अजूनही दहशत माजवण्याचा प्रयत्न करत असल्याचं व्हायरल व्हिडीओंच्या माध्यमातून समोर आलं आहे. पण, ही कोयता गँग आहे तरी काय? असा प्रश्न अनेकांना पडला असेल, जाणून घेऊयात याबाबत सविस्तर माहिती.
काय आहे कोयता?
कोयता एक धारदार शस्त्र आहे. अशाप्रकारच्या शस्त्राचा वापर झाडी झुडपांमध्ये असलेल्या बांबूंना तोडण्यासाठी केला जातो. शेतकऱ्यांसाठी हे खूप महत्त्वाचं शस्त्र आहे. सर्वच प्रकारचे शेतकरी त्यांच्या घरी अशाप्रकारचं शस्त्र ठेवतात. परंतु, काही गुंड प्रवृत्तीच्या लोकांनी कोयताचा वापर लोकांची हत्या करून दहशत माजवण्यासाठी केल्याचं उघडकीस आलं आहे.
कोयता गँग कशाप्रकारे काम करते?
पुण्यात कोयता गँगने गुन्हेगारीची पाळेमुळे रोवली आहेत, असं म्हटलं तर वावगं ठरणार नाही. पुण्यातील कोयता गँगचा इतिहास जास्त जुना नाहीय. ही गँग मागील 15 ते 20 वर्षांपासून पुणे आणि आसपासत्या परिसरात सक्रिय झाली आहे. कोयता गँगने अनेक ठिकाणी लोकांना टार्गेट करून त्यांच्यावर हल्ला केल्याच्या घटना घडल्या आहेत.
हे ही वाचा >> Uddhav-Raj Thackeray: 'तू परत ये.. मला भेटायला!', उद्धव ठाकरेंना 'शिवतीर्था'वर पुन्हा कोणी आणि का बोलावलेलं? अखेर आलं समोर!
कोयता गँग आहे तरी काय?
कोयता या धारदार शस्त्रावरून कोयता गँगचं नाव ठरवण्यात आलं आहे. कोयत्याच वापर विशेषत: शेतात केला जातो. पण या गँगने कोयत्याचा वापर गुन्हेगारी करण्यासाठी केला आहे. गँगमध्ये 18-25 वयोगटातील तरुणांचा समावेश आहे. यामध्ये बेरोजगार तरुण, कॉलेज स्टुडंट्स आणि छोट्या-मोठ्या गुन्हेगारांचा समावेश आहे.
