Crime News : दोन्ही भावांनी मिळून एका विधवा महिलेचं कुटुंब उद्ध्वस्त केल्याची घटना समोर आली आहे. धाकट्या भावाने विधवा महिलेची डोक्यात लोखंडी रॉड घालून हत्या केली; तर थोरल्या भावाने तिच्या 14 वर्षीय मुलीवर बलात्कार केला आहे. ही 35 वर्षीय विधवा थोरल्या भावासोबत लिव्ह इन रिलेशनमध्ये रहात होती. 25 फेब्रुवारी रोजी तिचा लिव्ह इन पार्टनरच्या धाकट्या भावासोबत तिचा वाद झाला. या वादातून त्याने महिलेच्या डोक्यात लोखंडी रॉडने वार केले. यात तिचा मृत्यू झाला. धक्कादायक म्हणजे यानंतर त्या महिलेचा प्रियकर नशेत घरी आला. रक्ताच्या थारोळ्यात पडलेल्या महिलेकडे बघून त्याला जराही दया वाटली नाही. उलट त्याने महिलेच्या 14 वर्षीय मुलीवर बलात्कार करुन तिथून पळ काढला. या घटनेमुळे परिसरात खळबळ उडाली असून दोन्हा आरोपी सध्या फरार आहेत. मध्य प्रदेशातील डिंडोरी जिल्ह्यातील ही घटना आहे.