Pune : दर्शना पवारचा खून करुन बंगालला गेला.. राहुल हांडोरेला मुंबईत कसं पकडलं?

राहुल हांडोरेच्या अटकेची Inside Story

या संपूर्ण हत्येप्रकरणी पोलीस अधिक्षक अंकित गोयल यांनी सांगितलं की, पुण्यातील एका संस्थेकडून दर्शना पवार हिचा सत्कार आयोजित करण्यात आला होता. त्याकरिता दर्शना ही 9 जून रोजी पुण्यात आली होती. त्यानंतर ती नऱ्हे येथील एका मैत्रिणीकडे राहत होती. सत्कार समारंभाचा कार्यक्रम झाल्यानंतर 12 जून रोजी राजगड किल्ल्यावर जात असल्याची माहिती मैत्रिणीला आणि कुटुंबीयांना दिली होती. त्यानंतर तिचा फोन बंद येत होता. त्यानंतर दर्शनाच्या कुटुंबीयांनी बेपत्ता झाल्याची तक्रार सिंहगड पोलीस केली होती.

ही तक्रार प्राप्त होताच पोलिसांनी दर्शनाचा तपास सुरू केला होता. ज्यानंतर पोलिसांना 18 जून रोजी राजगडाच्या पायथ्याशी सीतेचा माळ या ठिकाणी दर्शनाचा मृतदेह आढळून आला. त्यानंतर पोलिसांनी तात्काळ आसपासच्या भागातील सीसीटीव्हीची तपासणी केली. त्यामध्ये आरोपी राहुल हंडोरे आणि मयत दर्शना हे दोघे 12 जून रोजी सकाळी साडे आठ वाजेच्या सुमारास जाताना दिसून आले. तर पावणे अकरा वाजण्याच्या सुमारास आरोपी राहुल हंडोरे हा गडावरून खाली येताना एकटाच येत असल्याचा दिसून आला होता.

हे ही वाचा >> Pune : MPSC पास दर्शना पवारला राहुल हंडोरेनेच संपवलं! हत्येचं कारण…

ज्यानंतर आरोपी राहुल हांडोरे याच्या शोधासाठी विविध भागात तपास पोलिसांनी पथक रवाना केली होती. पण आरोपी राहुल हंडोरे याचे मोबाइलचे लोकेशन कलकत्ता सह विविध राज्यात दिसून येत होतं. त्या कालावधीमध्ये आरोपी राहुल हंडोरे हा त्याच्या कुटुंबीयांच्या संपर्कात होता. त्याच दरम्यान मुंबईतील अंधेरी रेल्वे स्टेशन येथे काल अचानक त्याचे लोकेशन आढळून आले. त्याचनुसार आरोपी राहुल हंडोरे याला सापळा रचून अटक करण्यात आले.