दलालांनी मांडला वासनेचा बाजार, आधी वेबलिंक आणि फोटो, नंतर लॉज...

बनावट ग्राहक

या प्रकरणाची माहिती देताना पोलिसांनी सांगितले की, 'नवी मुंबईमध्ये सेक्स रॅकेट चालत असल्याची माहिती अँटी ह्युमन ट्रॅफिकिंग सेलला मिळाली होती.  त्यानंतर पोलिसांनी मिळालेल्या माहितीची खात्री करण्यासाठी बनावट ग्राहकाला त्या लॉजवर पाठवण्यात आले. 

त्यानंतर पोलिसांनी मिळालेल्या माहितीची खात्री पटल्यानंतर पोलिसांनी गुरुवारी नेरुळमधील शिरवणे येथील राज इन लॉजिंग अँड बोर्डिंगच्या आवारात छापा टाकला.

तीन महिलांना आश्रय

पोलिसांनी छापा टाकताच लॉज मॅनेजरसह तीन दलालांनाही ताब्यात घेण्यात आले.  यावेळी पोलिसांना तीन महिलाही घटनास्थळी मिळाल्यानंतर त्यांना आश्रय देण्यात आला आहे. यावेळी महिलांना वेश्याव्यवसाय करण्यासाठी भाग पाडले जात असल्याचे सांगितले.