मोमोज खाणाऱ्या पोलिसालाच उचललं, घडली भयंकर घटना..
Crime: मोमोज खाणाऱ्या एका पोलीस कॉन्स्टेबलला काही तरुणांनी मारहाण करून त्याचं अपहरण केल्याची धक्कादायक घटना मध्य प्रदेशात घडली आहे.
ADVERTISEMENT
मुरैना (मध्य प्रदेश): मोमोज (Momos) खाणाऱ्या एका पोलीस कॉन्स्टेबलला काही तरुणांनी जबरदस्तीने स्कॉर्पिओ गाडीत उचलून नेत बेदम मारहाण केल्याची घटना मध्य प्रदेशातील (Madhya Pradesh) मुरैना येथे घडली आहे. कॉन्स्टेबलने कसंबसं तरुणांच्या तावडीतून सुटका करून पोलिसांना (Police) या घटनेची माहिती दिली. ज्यानंतर या प्रकरणी 6 जणांविरुद्ध एफआयआर दाखल करण्यात आला आहे. घटनेच्या रात्रीच पोलिसांनी सर्व आरोपींना ताब्यात घेतले होते. हे संपूर्ण प्रकरण शहरातील न्यू हाऊसिंग बोर्ड कॉलनी परिसरातील असल्याचे पोलिसांनी सांगितले. (while eating momos there was such an uproar know the whole matter)
प्रत्यक्षात बुधवारी संध्याकाळी सिव्हिल लाइन पोलिस ठाण्यात तैनात कॉन्स्टेबल रामकुमार सिंह न्यू हाउसिंग बोर्ड कॉलनीतील एका दुकानात मोमोज खात होता. तेव्हाच स्कॉर्पिओ कारमधून काही तरुण तेथे पोहोचले. त्यांनी दुकानदाराला बोलावले. दुकानदार त्यांच्याकडे उशिरा पोहोचल्याने गाडीतील तरुणांनी खाली उतरून दुकानदाराला मारहाण करण्यास सुरुवात केली.
हे ही वाचा- लग्नासाठी मुलगी बघायला आलेला तरूण, होणाऱ्या सासूलाच नेलं पळवून!
मध्यस्थी केल्याने हवालदाराला मारहाण, अपहरण
दुकानदाराला मारहाण होत असल्याचे पाहून हवालदार रामकुमार यांनी मध्यस्थी करत भांडण करणाऱ्या तरुणांना समजविण्याचा प्रयत्न केला. या प्रकारामुळे तरुणांना राग आला आणि त्यांनी थेट रामकुमारलाच हाणामारी सुरू केली. त्यानंतर तरुणांनी रामकुमारला जबरदस्तीने आपल्या गाडीत बसवलं. कारमध्ये हवालदाराशी युवकांची जोरदार बाचाबाची झाली. गाडी खनेटा गावाजवळ आली असता रामकुमारने तरुणांच्या तावडीतून सुटका करून तिथून पळ काढला.
हे वाचलं का?
