बायकोची हत्या, मेहुणीसोबत गाठला क्रूरतेचा कळस! सायको किलरने पोलिसांनाही फोडला घाम

वरिष्ठ पोलिस अधीक्षक मंजूनाथ टीसी यांनी दिलेल्या माहितीनूसार, प्रतापूरच्या गावचा रहिवासी असलेल्या संतोष कुमारने त्याच्या बायकोची हत्या करून मृतदेह पूरल्याची माहिती 27 जुलैला मिळाली होती. या घटनेप्रकरणी गुन्हा दाखल करून आम्ही तपास सुरू केला. या तपासात आम्ही आनंदपूरमधून आरोपी संतोषला ताब्यात घेतले. यावेळी संतोषची चौकशी केली असता त्याने धक्कादायक खुलासे केले.

हे ही वाचा : तीन दिवसापूर्वीच साजरा केला वाढदिवस,असं काय घडलं की आईने मुलाचा घोटला गळा

आरोपीने पोलिस चौकशीत सांगितले की, 2019 साली बायकोने माझ्यावर मारहाण आणि अत्याचार केल्याचा गुन्हा दाखल केला होता.यानंतर मला तीन महिने तुरूंगवास भोगावा लागला होता. याचाच राग संतोषच्या मनात होता. दरम्यान संतोष जेलमधून बाहेर आल्याच्या दोनच महिन्यानंतर याच कारणावरून बायकोशी भांडण झाले. तसेच त्याला बायकोचे भावासोबत अनैतिक संबंध असल्याचाही संशय होता. याच संशयातून त्याने बाबूने बायकोवर वार करून तिची हत्या केली. या हत्येनंतर तिचा मृतदेह नाल्यात पूरला होता. पोलीस चौकशीत आरोपी संतोषने बायकोच्या हत्येची कबुली दिली होती.

पहिल्या बायकोचा संशयास्पद मृत्यू

दरम्यान या चौकशीत संतोषची पहिली बायको रंभाचाही 10 वर्षापूर्वी संशयास्पद मृत्यू झाल्याची माहिती मिळाली.आणि आता पोलीसांना त्याच्या पहिल्या बायकोचीही हत्या आरोपीनेच केल्याचा संशय आहे. तसचे पहिल्या बायकोच्या मृत्यूनंतर आरोपीने दुसरे लग्न केले. जिच्या हत्येप्रकरणी पोलिसांनी त्याला ताब्यात घेतले आहे. या बायकोपासून त्याला तीन मुले होती.