Amravati Lok Sabha Election 2024 : 'भाजपला कमळावरती बाईच पाहिजे', राणांना उमेदवारी मिळाल्यावर अडसूळ बिथरले

नवनीत राणांना अमरावतीतून उमेदवारी जाहीर झाल्यानंतर आनंदराव अडसूळ यांनी टीव्ही 9 मराठीला प्रतिक्रिया दिली आहे. या प्रतिक्रियेत बोलताना अडसूळ म्हणाले की, 'नवनीत राणांच्या विरोधात सगळेच आहेत. बडनेरा ही तिला मतदान करेल की नाही हा एक प्रश्न आहे'. दरम्यान त्याचा प्रचार करावा की नाही. याबाबत आम्ही त्यांना आधीच उत्तर दिले आहे, असे अडसूळ यांनी सांगितले आहे. 

हे ही वाचा : भाजपकडून अमरावतीचा उमेदवार जाहीर, 'यांचं' तिकीट कापलं!

त्या निर्लज्ज आहेत. कुठलंही व्यक्तव्य करतात. पण आम्ही आमची लाज शरम विकली नाही. स्वाभिमान विकलेला नाही. आम्ही आहोत तिथे आहोत आणि आमच्या जीवावर आम्ही निवडणूक लढायचं म्हटलं तर आम्ही लढू शकतो आणि लढणार पण. मी उमदेवार देणार नाही तर मीच उभा राहणार आहे. यावर शिंदेंच्या शिवसेनेतून उभे राहणार का? यावर अर्थात असे उत्तर अडसूळ यांनी दिले आहे. 

जसे आढळराव पाटील यांनी तिघांच्या संमतीने राष्ट्रवादीतून प्रवेश करून उमेदवारी घेतली होती. शक्यतो मी तसे उभे राहीन. तसेच नवनीत राणा यांच्या जात प्रमाणपत्राचा मुद्दा त्यांनी लक्षात घेतला पाहिजे होता. उद्या त्यांनी उमेदवारी अर्ज भरला आणि निकाल लागला तर काय होणार आहे? असा सवाल देखील अडसूळ यांनी उपस्थित केला. तसेच माझ्या नावाचा भापजला विरोध नव्हता, त्यांना कमळावरती बाईच पाहिजे होती, असा हल्ला देखील अडसूळ यांनी चढवला होता. 

हे ही वाचा : Yavatmal washim : ठाकरेंनी जुना शिवसैनिक उतरवला मैदानात, कोण आहेत संजय देशमुख?