Onion Export: मोदी सरकारने कांदा निर्यात बंदी हटवली, महाराष्ट्रातील मतदानासाठी घेतला मोठा निर्णय?
Modi Govt Big Decision onion export: कांद्याचे दर नियंत्रणात आणण्यासाठी केंद्र सरकारने 7 डिसेंबर 2023 रोजी कांद्याच्या निर्यातीवर बंदी घातली होती. पण आता ऐन निवडणुकीदरम्यान, ही निर्यात बंदी सरकारने हटवली आहे.
ADVERTISEMENT
Maharashtra Lok Sabha Election 2024: नवी दिल्ली: केंद्र सरकारने कांदा निर्यातीवर घालण्यात आलेली बंदी आता मागे घेण्याचा अत्यंत मोठा निर्णय घेतला आहे. काही दिवसांपूर्वीच याबाबतचा निर्णय घेण्यात आला होता. मात्र, आज सकाळी याबाबतचीअधिसूचना सरकारकडून जारी करण्यात आली आहे. एकीकडे देशात लोकसभा निवडणुकीची धामधूम सुरू असताना मोदी सरकारने कांदा निर्यातीच्या घेतलेला निर्णयाबाबत आता नेमकं काय परिणाम होतात हे पाहणं महत्त्वाचं ठरणार आहे. (ban on onion export lifted big decision of Modi government amid Lok Sabha elections big decision taken for maharashtra lok sabha election)
कांदा निर्यातीचा मुद्दा हा महाराष्ट्रात अत्यंत महत्त्वाचा ठरणार आहे. कांद्याचे दर आटोक्यात राहावेत यासाठी मोदी सरकारने कांद्यावर निर्यात बंदी आणली होती. मात्र, यामुळे सामान्य शेतकऱ्यांमध्ये त्याविषयी बरीच नाराजी होती. ज्याचा फटका मोदी सरकारला महाराष्ट्रात बसण्याची शक्यता होती. त्यामुळेच आता निर्यात बंदी उठविण्याचा निर्णय घेण्यात आल्याची सध्या चर्चा आहे.
हे ही वाचा>> 2024 Live : महायुतीच्या उमेदवारासाठी राज ठाकरेंची पहिली प्रचार सभा
महाराष्ट्रातील पुढच्या तीन टप्प्याचं मतदान अन् कांदा उत्पादक शेतकरी
महाराष्ट्रात आतापर्यंत मतदानाचे दोन टप्पे पार पडले आहेत. ज्यामध्ये बहुतांशी विदर्भातील मतदारसंघ होते. मात्र, आता उर्वरित तीन टप्प्यात अनेक मतदारसंघ असे आहेत की, जिथे कांदा उत्पादक शेतकरी हे मोठ्या प्रमाणात आहेत. त्यामुळे या शेतकऱ्यांची नाराजी अधिक ओढावल्यास त्याचा परिणाम हा निकालावर होऊ शकतो. त्यामुळेच अशा स्वरूपाचा निर्णय घेण्यात आला असल्याची चर्चा आता राजकीय वर्तुळात रंगली आहे.
केंद्र सरकारने हा मोठा निर्णय घेताना काही अटींसह कांदा निर्यात खुली केली आहे. यासंदर्भात अधिसूचना जारी करण्यात आली आहे. अट अशी आहे की कोणताही निर्यातदार प्रति मेट्रिक टन 550 डॉलरपेक्षा कमी किंमतीत निर्यात करणार नाही. कांदा निर्यातदार आणि शेतकरी यांनी पाच महिने संघर्ष केल्यानंतर आता निर्यात खुली करण्यात आली आहे.
हे वाचलं का?
