NCP: 'बारामतीत भावकीची निवडणूक करणाऱ्यांना मी बघूनच घेतो..' अजितदादांचा सख्ख्या भावाला थेट इशारा?
Ajit Pawar vs Shrinivas Pawar: शिरूरमध्ये बोलताना अजित पवार यांनी त्यांच्यावर टीका करणारे त्यांचे लहान बंधू श्रीनिवास पवार यांना बारामती लोकसभा निवडणुकीबाबत थेट इशारा दिला आहे.
ADVERTISEMENT
Ajit Pawar Shirur Speech: स्मिता शिंदे, शिरूर: लोकसभा निवडणूक 2024 ची महाराष्ट्रातील लढाई ही अत्यंत रंजक होत चालली आहे. त्यातही महायुतीमध्ये जागांवरून बरीच चढाओढ सुरू आहेत. अशाीवेळी प्रचंड चर्चेत असलेल्या शिरूर मतदारसंघातील शिवसेनेचे माजी खासदार शिवाजीराव आढळराव-पाटील यांनी आज (26 मार्च) राष्ट्रवादी काँग्रेस (अजित पवार गट) मध्ये प्रवेश केला. याच पक्षप्रवेशावेळी अजित पवारांनी भाषण करताना मात्र आपल्या सख्ख्या भावालाच थेट इशारा दिला आहे. (lok sabha election 2024 talking about baramati elections ncp chief ajit pawar gave a direct warning to brother shrinivas pawar)
'शिवाजी आढळराव पाटलांना आपल्या मोठ्या मताधिक्याने निवडून आणायचं आहे. गेल्या लोकसभेत तुम्ही माझ्या सांगण्यावरून अमोल कोल्हे यांना निवडून दिलं आहे. पण ही गावकीची आणि भावकीची निवडणूक नाही. आता माझ्या भागात काही जणांनी भावकीची निवडणूक केली आहे. ते मी बघतो काय करायचं ते..' असं म्हणत अजित पवार यांनी त्यांचे सख्खे भाऊ श्रीनिवास पवार यांना उघडउघड इशारा दिला आहे.
आढळरावांच्या पक्षप्रवेशावेळी अजित पवार आक्रमक, पाहा काय म्हणाले...
'माझी तुम्हाला विनंती आहे की, शिवाजीरावांची तीन टर्मची.. अक्षरश: त्या बाबाला पराभूत करण्यासाठी आमच्या तोंडाला फेस आला.. परंतु बाबा आम्हाला रेटला गेला नाही. परंतु आता आपल्याला त्यांना प्रचंड मतांनी निवडून आणायचं आहे.'
हे ही वाचा>> Vijay Shivtare: 'हा नालायक, उर्मट... त्यांचा भाऊही म्हणाला..' अजित पवारांवर शिवतारेंची जहरी टीका
'आता तुम्ही ज्या खासदारांना आम्ही सांगितलं म्हणून निवडून दिलं त्यांची पाच वर्षांची कारकीर्द पाहा.. इतकं सांगितलं.. नका देऊ राजीनामा.. नका देऊ.. लोकांना नाही आवडत.. लोकं विचारपूर्वक मतदान करत असतात. हे मतदान खऱ्या अर्थाने पाहिलं तर लोकसभेची निवडणूक म्हणजे देशाचं धोरण ठरवणारी निवडणूक आहे.'
हे वाचलं का?
