Lok Sabha Election 2024: 'ठाकरेंची साथ सोडणार का?', अंबादास दानवेंनी एका झटक्यात संपवला विषय!
Ambadas Danve on BJP: अंबादास दानवे हे लोकसभा निवडणुकीसाठी भाजपमध्ये प्रवेश करणार अशी जोरदार चर्चा राजकीय वर्तुळात सुरू होती. मात्र, अंबादास दानवेंनी आता या सगळ्या चर्चांना उत्तर देत पूर्णविराम दिला आहे.
ADVERTISEMENT
Ambadas Danve: मुंबई: लोकसभा निवडणूक 2024 साठी (Lok Sabha Election 2024) छत्रपती संभाजीनगरमधून ठाकरे गटाने चंद्रकांत खैरे यांना उमेदवारी दिल्यानंतर शिवसेनेचे नेते आणि विरोधी पक्षनेते अंबादास दानवे हे नाराज असल्याची आणि ते शिवसेनेला जय महाराष्ट्र करणार असल्याची जोरदार चर्चा राजकीय वर्तुळात सुरू होती. मात्र, या सगळ्या केवळ अफवा असल्याचं अंबादास दानवेंनी आज (30 मार्च) पत्रकार परिषद घेऊन स्पष्ट केलं.
मुंबईत घेतलेल्या पत्रकार परिषदेत अंबादास दानवे यांना जेव्हा अशी विचारणा करण्यात आली की, आपण भाजपमध्ये प्रवेश करणार असल्याची चर्चा मागील काही दिवसांपासून सुरू आहे. त्यावर दानवेंनी अगदी स्पष्ट उत्तर देत हा विषय संपवला आहे.
'मी नाराज असलो म्हणून काय झालं.. मी स्पष्टपणे सांगितलं ज्या दिवशी उमेदवारांची यादी जाहीर करतात तोपर्यंत नाराजी असते. रोजरोज थोडी नाराजी असते. नाराज असलं म्हणजे पक्ष सोडतात का?' असा सवालच दानवेंनी यावेळी विचारला.
'खैरे आमचे नेते, जिल्ह्याचे पालक...'
दरम्यान, यावेळी दानवेंना खैरेंविषयीही देखील विचारणा करण्यात आली त्यावर दानवे म्हणाले की, 'मी 30 वर्ष जुना शिवसैनिक आहे.. बाळासाहेबांच्या विचाराने लढणारा शिवसैनिक आहे. पदं येत असतात, पदं जात असतात. मी गटप्रमुखापासून ते विरोधी पक्ष नेते पदापर्यंत जबाबदारी पार पाडणारा नेता आहे.'
हे वाचलं का?
