मुंबई Tak Exclusive: 'मी ठरवलं मला भाजपसोबत जायचंय.. तर कोण थांबवू शकेल मला?', प्रकाश आंबेडकरांचं मोठं विधान
Lok Sabha Election 2024: महाविकास आघाडीने अद्याप वंचित बहुजन आघाडीला नेमक्या किती जागा द्याव्या यावर निर्णय घेतलेला नाही. याच मुद्द्यावर मुंबई Tak शी बोलताना प्रकाश आंबेडकर यांनी एक मोठं विधान केलं आहे.
ADVERTISEMENT
बातम्या हायलाइट
प्रकाश आंबेडकरांची एक्स्क्लुझिव्ह मुलाखत
मुंबई तकसोबत बोलताना केलं मोठं विधान
भाजपसोबत गेल्यावर मला कोण थांबवणार?
Prakash Ambedkar VBA: मुंबई: लोकसभा निवडणूक 2024 ला आता अवघे काही दिवस शिल्लक आहेत. मात्र, अद्यापही महाविकास आघाडीच्या जागांचा तिढा काही सुटलेला नाही. त्यातही वंचित बहुजन आघाडी पक्ष हा महाविकास आघाडीसोबत राहणार की नाही याविषयीही अद्याप सस्पेन्स कायम आहे. याचविषयी मुंबई Tak चे संपादक साहील जोशी यांनी आज (23 मार्च) प्रकाश आंबेडकर यांची एक्स्क्लुझिव्ह मुलाखत घेतली. ज्यामध्ये प्रकाश आंबेडकर यांनी एक मोठं विधान केलं आहे. (mumbai tak exclusive i have decided to go with bjp so who can stop me prakash ambedkar big statement)
'उद्या मी ठरवलं मला भाजपसोबत जायचंय.. कोण थांबवू शकेल मला? शरद पवार थांबवणार आहेत?, उद्धव ठाकरे थांबवणार आहेत? की, राहुल गांधी थांबवणार आहेत?' असं म्हणत प्रकाश आंबेडकर यांनी आपण पक्ष म्हणून कोणलाही बांधिल नाही असं यावेळी नमूद केलं आहे.
पाहा प्रकाश आंबेडकर नेमकं काय म्हणाले:
'मला असं म्हणायचंय की, या तिघांचं ठरलेलं नाही.. अडीच वर्ष ते एकत्र होते. अडीच वर्षात ते 48 जागा स्वत:मध्ये वाटून घेऊ शकले नाही? 15 जागांवर त्यांच्यात वाद आहे.. मीडियाने हे दाखवलंय का? की, त्यांच्यात 15 जागांवरून वाद आहे. पण मीडिया मला सारखं विचारतंय तुम्ही किती जागा मागणार, तुम्ही किती देणार.. ज्यावेळेस त्यांचंच ठरलेलं नाही तेव्हा तुम्ही आम्हाला का आरोपीच्या पिंजऱ्यात उभं करताय. त्यांचंच ठरलेलं नाही तर आम्ही काय करणार आहोत?'
'मागच्या वेळेस सगळ्या मीडियाने असा प्रचार केला की, आम्ही बी टीम आहोत. त्यावेळेस कोणाच्या लक्षात आलं नाही की, प्रकाश आंबेडकर ही व्यक्ती अशी आहे की, ज्याच्या बरोबर जायचं त्याच्या बरोबर जाऊ शकते.'
हे वाचलं का?
