Lok Sabha : 'अजितचा स्वभाव मला माहितीय...', शरद पवार 'हे' काय बोलून गेले?

शरद पवार यांनी बीबीसी मराठीला मुलाखत दिली आहे.या मुलाखतीत शरद पवारांना जर राजकारणापलिकडे जाऊन अजित पवारांनी मदतीसाठी हात पुढे केला, तर तुम्ही त्यांना हात देणार का? असा सवाल करण्यात आला होता. यावर शरद पवारांनी स्पष्टच उत्तर दिलं. ''असा प्रश्नच येणार नाही. अजितचा स्वभाव मला माहिती आहे. तो कधी कुणासमोर हात पसरणार नाही'',  असे शरद पवार यांनी सांगितले. 

हे ही वाचा : 'दुपार झाली, उठले असतील आणि सुपारी...', उद्धव ठाकरेंचा राज ठाकरेंना टोमणा!

भापजमुळे राष्ट्रवादीत असा संघर्ष झाला का?  असा सवाल शरद पवारांना विचारण्यात आला होता. त्यावर शरद पवार  म्हणाले की, 'भाजपला हे हवचं होतं. मी या राज्यात हा पक्ष जो उभा केला. या सगळ्यांनी त्याच्यात हातभार लावला. त्यातून आम्ही एक शक्तीकेंद्र तयार केलं. आमचे सगळे लोक 1999 पासून अनेक वर्ष सत्तेत आहेत. त्यातून काही लोकांना मंत्रीपद मिळालं, काहींना तर तीन वेळ उपमुख्यमंत्रीपद मिळालं. मात्र त्यांनी आता वेगळी भुमिका घेतली. आणि रस्ते वेगळे झाले. आता बघुयात पुढे काय होतं', असे शरद पवारांनी सांगितलं. 

हे ही वाचा : 'फडतूणवीसचे नोकर नाही...', उद्धव ठाकरेंची फडणवीसांवर जहरी टीका

महाविकास आघाडीला किती जागा मिळणार? सुरूवातीला चित्र असं होतं की ही एकतर्फी निवडणूक होईल. पण ही निवडणूक एकतर्फी राहिलेली नाही.आणि जो एकत्रितपणाने लढतो त्याच्या पाठीमागे लोकांचा पाठींबा राहिल, असे शरद पवार म्हणाले आहेत.