Satara Lok Sabha : भाजपने साताऱ्याचा सस्पेन्स संपवला, उमेदवार केला जाहीर
Udayanraje Bhosale Latest News :
ADVERTISEMENT
बातम्या हायलाइट
सातारा लोकसभा मतदासंघ निवडणूक २०२४
भाजपकडून उदयनराजे भोसले यांना उमेदवारी
शशिकांत शिंदे असणार विरोधी उमेदवार
Satara Lok Sabha election 2024, udayanraje bhosale : सातारा लोकसभा मतदारसंघात कोणत्या दोन उमेदवारांमध्ये लढत होणार, याचे चित्र आज (१६ एप्रिल) स्पष्ट झाले आहे. भाजपने अखेर उमेदवारीबद्दलचा सस्पेन्स संपवला आहे. साताऱ्यातून उमेदवार घोषित केला आहे. उदयनराजे भोसले यांना उमेदवारी देण्यात आली आहे. (BJP Announces Nomination of udayanraje bhosale from Satara lok Sabha)
सातारा लोकसभा मतदारसंघातून उमेदवारी मिळावी, यासाठी उदयनराजे भोसले सुरूवातीपासून प्रयत्न करत होते. गेल्या महिन्यात त्यांनी दिल्लीत जाऊन अमित शाह यांचीही भेट घेतली होती. त्यांच्या प्रयत्नांना अखेर यश मिळालं आहे.
राष्ट्रवादी की भाजप फसला होता पेच?
सातारा लोकसभा मतदारसंघातून उदयनराजे भोसले यांनी राष्ट्रवादी काँग्रेसच्या घड्याळ चिन्हावर निवडणूक लढवावी, अशी अजित पवार गटाची मागणी होती. पण, उदयनराजे भोसले यांनी ही मागणी फेटाळून लावली. त्यानंतर उदयनराजे भोसले कमळ चिन्हावरच निवडणूक लढवणार हे स्पष्ट झाले.
शशिकांत शिंदे विरुद्ध उदयनराजे भोसले
सातारा लोकसभा मतदारसंघातून शरद पवारांच्या राष्ट्रवादी काँग्रेसने महाविकास आघाडीचे उमेदवार म्हणून आमदार शशिकांत शिंदे यांना उमेदवारी दिली आहे. त्यामुळे साताऱ्यात शशिकांत शिंदे विरुद्ध उदयनराजे भोसले अशी लढत होणार, स्पष्ट झाले आहे.
हे वाचलं का?
