Uddhav Thackeray : सांगलीची जागा काँग्रेसला देणार?; ठाकरेंनी स्पष्ट केली भूमिका
Uddhav Thackeray on sangli lok sabha constituency : सांगली लोकसभा मतदारसंघाची मागणी काँग्रेसकडून केली जात असली, तरी ती देणार नाही, अशीच भूमिका अप्रत्यक्षपणे ठाकरेंनी मांडली आहे.
ADVERTISEMENT
बातम्या हायलाइट
महाविकास आघाडीतील जागावाटपाची चर्चा
सांगली जागेबद्दल उद्धव ठाकरे काय बोलले?
चंद्रहार पाटलांना शिवसेनेने दिले आहे तिकीट
Uddhav Thackeray sangli lok sabha constituency : सांगली लोकसभा मतदारसंघातून उद्धव ठाकरेंनी चंद्रहार पाटील यांना उमेदवारी घोषित केली. या जागेचा काँग्रेसकडून अजूनही आग्रह केला जात आहे. पण, ही जागा शिवसेनेकडेच (उद्धव बाळासाहेब ठाकरे) राहणार, असंच दिसत आहे. कारण खुद्द उद्धव ठाकरे यांनीच तशी भूमिका मांडली आहे.
लोकशाही वाचवा रॅलीसाठी उद्धव ठाकरे दिल्लीत आहेत. या वेळी माध्यमांशी बोलताना उद्धव ठाकरे यांनी महाविकास आघाडीतील जागावाटपाचा घोळ आणि सांगली लोकसभा मतदारसंघाबद्दल भूमिका स्पष्ट केली.
महाविकास आघाडीतील समन्वय... उद्धव ठाकरे काय म्हणाले?
महाविकास आघाडीत समन्वय दिसत नाहीये, असा प्रश्न विचारण्यात आल्यानंतर ठाकरे म्हणाले, "मग महायुतीमध्ये तरी कुठे दिसतोय."
हेही वाचा >> कंगना रणौत यांच्यासाठी विजयाचा मार्ग खडतर! कोणता फॅक्टर जाणार जड?
महायुतीमध्ये समन्वय नाहीये म्हणून महाविकास आघाडीत समन्वय ठेवायचा नाही का? असा उलट प्रश्न विचारल्यानंतर ठाकरे म्हणाले, "माझं काय म्हणणं आहे की, एकतर्फी प्रश्न विचारण्याला काही अर्थ नाहीये. निवडणूक म्हटल्यानंतर... शिवसेना भाजप युतीच्या काळात जागावाटपाआधी हे प्रकार व्हायचे. पण, ज्या पद्धतीने आता महाविकास आघाडीची स्थापना झाली आहे. नैसर्गिक आघाडी असा गोंडस शब्द आहे. महायुतीला नैसर्गिक म्हणायचं का? हे काय आहे. भ्रष्टाचाऱ्यांना सोबत घेऊन तुम्ही युती पुढे नेत आहात. भ्रष्टाचार हा तुमचा नैसर्गिक गुणधर्म आहे का? त्यामुळे त्यांच्यामध्ये वाटेल त्याला घेऊन ते युती करताहेत. महाविकास आघाडीचे उत्तम चाललं आहे."
हे वाचलं का?
