अभिनेत्री केतकी चितळेचं काही खरं नाही, अडचणीत आणखी वाढ

काल दिवसभरात केतकीविरोधात तीन गुन्हे दाखल झाले आहेत. त्यामुळे केतकी ही अधिक अडचणीत आली आहे. दोन गुन्हे पिंपरी-चिंचवडमध्येच दाखल झाले आहेत. तर एक गुन्हा उस्मानाबादमध्ये दाखल झाला आहे.

पिंपरी-चिंचवडमध्ये केतकीवर दोन गुन्हे दाखल

जगद्गुरू संत तुकाराम महाराज संस्थान यांनी दिलेल्या तक्रारीवरून केतकी चितळे हिच्यावर देहू रोड पोलीस ठाण्यात गुन्हा दाखल करण्यात आला आहे. काल संत तुकाराम महाराज संस्थान कडून देहूरोड पोलीस ठाण्यात तक्रार करण्यात आली होती. त्यानंतर तिच्याविरोधात गुन्हा दाखल झाला आहे. एकट्या पिंपरी-चिंचवड मध्येच एकूण दोन गुन्हे दाखल झाले आहेत.