Casting Couch : विद्या बालनच्या दाव्याने खळबळ; चेन्नईच्या हॉटेलमध्ये काय घडलं?

मुंबई : हिंदी, मराठी किंवा देशातील कोणत्याही भाषेतील चित्रपटसृष्टीत कास्टिंग काउचबद्दल अनेकदा कलाकार मोठे दावे आणि खुलासे करत असतात. याच यादीत आता अभिनेत्री विद्या बालनचं (Vidya Balan) नाव जोडलं गेलं आहे. विद्या बालन हिने अलिकडेच एका मुलाखतीत कास्टिंग काउचबद्दल खुलासा करत खळबळ उडवून दिली आहे. (Actress Vidya Balan’s big claim about Casting Couch)

विद्या बालन म्हणाली की, एका दिग्दर्शकाने तिला एका रुममध्ये एकटीला भेटण्यासाठी बोलावलं होतं, मात्र तिने हुशारी दाखवून स्वत:ला वाचवलं. त्यामुळे हा चित्रपट तिच्या हातातून गेला, पण कास्टिंग काउचची शिकार होण्यापासून वाचल्याचा आनंद असल्याचं ती म्हणाली.

विद्या बालन कास्टिंग काउचवर काय म्हणाली? :

ह्युमन्स ऑफ बॉम्बेला दिलेल्या मुलाखतीत विद्या बालन म्हणाली, ‘मी कधीच कास्टिंग काउचचा सामना केला नाही, यासाठी मी स्वतःला भाग्यवान समजते. मी अनेक धक्कादायक कथा ऐकल्या आहेत. जेव्हा मी चित्रपटसृष्टीत येत होते तेव्हा माझ्या आई-वडिलांना हीच सर्वात मोठी भीती होती. म्हणूनच त्यांना मी चित्रपटात काम करावं, असं वाटत नव्हतं.