छावा सिनेमात काम केलेल्या अभिनेत्रीने आत्महत्या का केली? ‘ते’ प्राथमिक कारण चर्चेत
actress sanchita ugale suicide case : ‘छावा’ चित्रपटात काम केलेल्या 22 वर्षीय टीव्ही अभिनेत्री संचिता उगाले हिने नालासोपारा येथील आपल्या राहत्या घरी गळफास घेऊन आत्महत्या केल्याची दुर्दैवी घटना घडली आहे.
ADVERTISEMENT
बातम्या हायलाइट
छावा सिनेमात काम केलेल्या अभिनेत्रीने आत्महत्या का केली?
‘ते’ प्राथमिक कारण चर्चेत
actress sanchita ugale suicide case : नालासोपारा येथील आचोले भागात राहणाऱ्या 22 वर्षीय टीव्ही अभिनेत्री संचिता उगाले हिने रविवारी सायंकाळी आपल्या राहत्या घरी गळफास घेऊन आत्महत्या केल्याची धक्कादायक घटना समोर आली आहे. या घटनेमुळे मनोरंजन विश्वात आणि स्थानिक परिसरात मोठी शोककळा पसरली आहे. संचिता आपल्या आई-वडिलांसह आणि 15 वर्षांच्या धाकट्या बहिणीसोबत राहत होती. रविवारी सायंकाळी साडेपाचच्या सुमारास तिची बहीण अंजली घराबाहेर गेली असताना, घरात कोणीही नसताना संचिताने आपल्या बेडरूममध्ये साडीच्या सहाय्याने सीलिंग फॅनला गळफास घेतला.
हेही वाचा : 20 तासांपूर्वीची पोस्ट पाहून विश्वास बसणार नाही, छावा सिनेमात काम केलेल्या अभिनेत्रीची आत्महत्या
काम मिळत नसल्याने नैराश्यात होती?
संचिताने हे टोकाचे पाऊल का उचलले, याचे नेमके कारण अद्याप स्पष्ट झालेले नसले तरी प्राथमिक माहितीनुसार, गेल्या काही महिन्यांपासून तिला अभिनय क्षेत्रात काम मिळत नव्हते. कामाच्या कमतरतेमुळे ती गेल्या काही दिवसांपासून मानसिक नैराश्यात होती, अशी चर्चा आता सिनेवर्तुळात रंगली आहे. तिला तातडीने वसई-विरार महानगरपालिकेच्या तुळींज रुग्णालयात दाखल करण्यात आले होते, परंतु डॉक्टरांनी तपासणी केल्यानंतर तिला मृत घोषित केले. या घटनेमुळे तिच्या कुटुंबावर दुःखाचा डोंगर कोसळला असून, परिसरात हळहळ व्यक्त केली जात आहे.
हेही वाचा : वसई : प्रसिद्ध टीव्ही अभिनेत्रीने गळ्याला दोर लावला, नेमकं कारण काय?
