Hit And Run च्या नव्या कायद्यामुळे देशभरात राडा; सामान्यांच्या खिशाला लागणार कात्री?
रस्ते अपघातांच्या (Road Accidents) घटनांमध्ये दिवसेंदिवस वाढ होत आहे. अशावेळी केंद्र सरकारने हिट अँड रन (Hit and Run Law) कायद्यामध्ये काही नवीन बदल केले आहेत. या बदलांचा निशेष करत देशभरातील बस-ट्रक चालकांनी रस्ते अडवले आहेत. यासह ऑटो, टॅक्सी आणि इतर वाहनांचे चालकही या नियमाच्या विरोधात आहेत.
ADVERTISEMENT
How Hit And Run Law Affect on People? : रस्ते अपघातांच्या (Road Accidents) घटनांमध्ये दिवसेंदिवस वाढ होत आहे. अशावेळी केंद्र सरकारने हिट अँड रन (Hit and Run Law) कायद्यामध्ये काही नवीन बदल केले आहेत. या बदलांचा निशेष करत देशभरातील बस-ट्रक चालकांनी रस्ते अडवले आहेत. यासह ऑटो, टॅक्सी आणि इतर वाहनांचे चालकही या नियमाच्या विरोधात आहेत. राष्ट्रपती मुर्मू यांच्याकडून मंजुरी मिळाल्यानंतर हा कायदा बनवण्यात आला जो सामान्यतः खाजगी वाहनांनाही लागू होईल. (What is New change in Hit and Run Law due to protest of bus truck drivers how it Will affect on People)
मध्य प्रदेश, उत्तर प्रदेश, राजस्थान, महाराष्ट्र, पंजाब, हरियाणा, बिहारसह अनेक राज्यांमध्ये ट्रकचालकांच्या संपामुळे संताप व्यक्त होत आहे. पेट्रोल पंपावर लांबच लांब रांगा लागल्या आहेत. नवीन कायद्यामुळे ट्रक आणि बस चालक रस्ते का अडवत आहेत आणि त्याचा आपल्या खिशावर कशा पद्धतीने परिणाम होईल हे जाणून घेऊयात.
वाचा : Khadakwasla : ‘नानां’च्या उमेदवारीवरुन रुपाली चाकणकर स्पष्टच बोलल्या, ‘अनेक अभिनेते आले, पण…’
हिट अँड रन कायदा काय आहे?
हिट अँड रन कायदा रस्ते अपघातांशी संबंधित आहेत. हिट अँड रन म्हणजे वेगाने आणि निष्काळजीपणे गाडी चालवल्यामुळे एखाद्या व्यक्तीचे किंवा मालमत्तेचे नुकसान करणे आणि नंतर पळून जाणे. अशा वेळी कमी पुरावे आणि प्रत्यक्षदर्शींच्या अभावामुळे दोषींना पकडणं आणि शिक्षा करणं कठीण होऊन जातं.
हिट अँड रन कायद्यातील नवे बदल कोणते?
ज्या नियमावर देशभरात गदारोळ सुरू आहे तो संसदेने नुकत्याच मंजूर केलेल्या तीन नवीन कायद्यांचा भाग आहे. भारतीय न्याय संहितेच्या (BNS) कलम 104 मध्ये हिट अँड रनचा उल्लेख आहे, ज्याने IPC ची जागा घेतली. यामध्ये वाहनचालकाच्या निष्काळजीपणामुळे नागरिकाचा मृत्यू झाल्यास 10 वर्षांच्या शिक्षेची तरतूद करण्यात आली आहे. कलम 104 (1) आणि कलम 104 (2) मध्ये हिट अँड रनची व्याख्या केली आहे.
