PM Modi : "विचार करून बोला", निवडणुकीआधी मोदींचा मंत्र्यांना स्पष्ट 'मेसेज'
PM Modi News : पंतप्रधान नरेंद्र मोदी यांनी रविवारी राजधानी दिल्लीतील चाणक्यपुरी भागात असलेल्या सुषमा स्वराज भवनात त्यांच्या कॅबिनेट मंत्र्यांसोबत साडेअकरा तासांची मॅरेथॉन बैठक घेतली.
ADVERTISEMENT
बातम्या हायलाइट
पंतप्रधानांनी मंत्र्यांसोबत घेतली बैठक
दिल्लीत ११ तास चालली केंद्रीय मंंत्रिमंडळाची बैठक
मोदींनी निवडणुकीच्या अनुषंगाने केल्या सूचना
PM Modi Latest News : पंतप्रधान नरेंद्र मोदी यांनी दिल्लीतील चाणक्यपुरी भागात असलेल्या सुषमा स्वराज भवनात त्यांच्या कॅबिनेट मंत्र्यांसोबत साडेअकरा तासांची मॅरेथॉन बैठक घेतली. रविवारी (3 मार्च) सकाळी दहा वाजता सुरू झालेली ही सभा रात्री साडेनऊ वाजेपर्यंत चालली. (PM Modi said that if you have to speak, then speak on government schemes and avoid controversial statements.)
पंतप्रधान मोदी यांनी या बैठकीत मंत्र्यांना वादग्रस्त विधाने टाळा आणि जास्त बोलू नका, असा मेसेज दिला. "जेव्हाही बोलायचं असेल, तेव्हा विचार करून बोला", असे ते म्हणाले.
पंतप्रधानांनी त्यांच्या मंत्रिमंडळातील सदस्यांना डीप फेकपासून सावध राहण्यास सांगितले. तुम्हाला बोलायचेच असेल तर सरकारी योजनांवर बोला आणि वादग्रस्त वक्तव्ये टाळा, असे पंतप्रधान बैठकीत म्हणाले.
"मी माझ्या मंत्रिमंडळात समाविष्ट असलेल्या राज्यसभेच्या खासदारांना आगामी लोकसभा निवडणूक लढवण्यास सांगितले होते", असा उल्लेखही पंतप्रधान मोदींनी बैठकीत केला.