Eknath Shinde Mumbaitak Baithak 2024 : 'माझी लाडकी बहीण योजना' कल्पना कुणाची? CM शिंदेंनी दिलं उत्तर
Eknath Shinde on Vidhan Sabha election 2024 in Mumbaitak Baithak 2024: विधानसभा निवडणुकीची तयारी, महायुतीचे जागावाटप यावर मुख्यमंत्री एकनाथ शिंदे यांचे भाष्य...
ADVERTISEMENT
बातम्या हायलाइट
मुख्यमंत्री एकनाथ शिंदेंची खास मुलाखत
मुंबई Tak बैठकमध्ये मांडली सडेतोड भूमिका
लाडकी बहीण योजनेवरून विरोधकांना टोला
Eknath Shinde News : महाराष्ट्रात विधानसभा निवडणुकीचे वेध राजकीय पक्षांना लागले आहेत. महायुती आणि महाविकास आघाडीसह सर्वच राजकीय पक्षांनी तयारी सुरू केली आहे. यानिमित्ताने आयोजित 'मुंबई Tak बैठक'मध्ये मुख्यमंत्री एकनाथ शिंदे यांची विशेष मुलाखत झाली. यावेळी मुख्यमंत्री शिंदे यांनी राजकारण, विधानसभा निवडणूक आणि इतर मुद्द्यांवर भाष्य केले. (Chief Minister Eknath Shinde Exclusive Interview with Mumbai Tak)
मुख्यमंत्री एकनाथ शिंदे म्हणाले की, "मी आणि देवेंद्रजींनी शपथ घेतली. त्यानंतर पहिल्या मंत्रिमंडळ बैठकीपासून जे निर्णय घेतले, ते राज्याच्या हिताचे आहेत. माझी लाडकी योजनेआधीही आम्ही अनेक निर्णय घेतले."
आम्ही स्पीड ब्रेकर काढले -मुख्यमंत्री शिंदे
मुंबई Tak बैठकमध्ये बोलताना मुख्यमंत्री शिंदे म्हणाले की, "आमच्या सरकारने १२३ सिंचन प्रकल्पांना प्रशासकीय मान्यता दिली. शेतकरी हा अन्नदाता आहे. आम्ही नियमावली बाजूला ठेवल्या. हे राज्य पहिलं राज्य आहे की, शेतकरी सन्मान योजना राबवत आहे. एक रुपयात विमा देणारे हे पहिले सरकार आहे."
हेही वाचा >> "...तर प्रकाश आंबेडकर आणि वंचितचे 4 जण खासदार झाले असते"
"आम्ही नियमावर बोट ठेवत नाही, तर आम्ही शेतकऱ्यांना मदत केली. जे प्रकल्प आधीच्या सरकारने थांबवले होते, ते सुरू केले. आम्ही स्पीड ब्रेकर काढून टाकले. समृद्धी महामार्ग, अटल सेतू सुरू केला", असे एकनाथ शिंदे म्हणाले.
हे वाचलं का?
