मालवणीची दंगल पूर्वनियोजित, आधी कट नंतर…; पोलिसांच्या तपासात खळबळजनक माहिती
आरोपींनी कट रचून राम नवमीनिमित्त काढण्यात आलेल्या शोभायात्रेवर दगडफेक केली, अशी नोंद पोलिसांनी त्यांच्या डायरीत केली आहे.
ADVERTISEMENT
श्रीराम नवमीच्या दिवशी मालाडमधील मालवणी परिसरात झालेला हिंसाचार हा पूर्वनियोजित दंगल होती, अशी माहिती पोलीस तपासातून समोर आली आहे. आरोपींनी कट रचून राम नवमीनिमित्त काढण्यात आलेल्या शोभायात्रेवर दगडफेक केली, अशी नोंद पोलिसांनी त्यांच्या डायरीत केली आहे. कट रचणाऱ्यांपैकी एक आरोपी अटकेत असून, दुसऱ्याचा पोलीस शोध घेत आहेत.
30 मार्च रोजी राम नवमीनिमित्त मालवणी भागात शोभायात्रा काढण्यात आली होती. शोभायात्रा एका मशिदीसमोर आल्यानंतर तणाव निर्माण झाला होता. यात्रेतील लोकांवर दगडफेक करण्यात आल्याचाही प्रकार घडला होता.
मालवणी घडलेल्या घटनेनंतर पोलिसांनी सीसीटीव्ही आणि व्हिडीओ फुटेजच्या मदतीने धरपकड सुरू केली होती. पोलिसांनी 20 जणांना या प्रकरणी अटक केली होती. आता या प्रकरणात नवी आणि खळबळजनक माहिती तपासातून समोर आली आहे.
कट रचून घडवली दंगल; पोलिसांच्या डायरीत काय?
मालवणी पोलिसांच्या डायरीतील नोंदीत असं म्हटलं आहे की, या प्रकरणातील आरोपींनी जाणीवपूर्वक आणि हेतुपुरस्सर सवेरा हाईट्स या ठिकाणी कट रचून जमावबंदी आदेशाचे उल्लंघन करून दंगल घडवून आणली.
हे वाचलं का?
