Navneet Rana and Ravi Rana : मुंबई पोलिसांनी राणा दाम्पत्याला काय दिला इशारा?
खासदार नवनीत राणा (Navneet Rana) आणि आमदार रवि राणा (Ravi Rana) मुंबईत (Mumbai) दाखल झाले असून, त्यामुळे मातोश्री (Matoshree) परिसरात तणावाचं वातावरण निर्माण झालं आहे. राणा दाम्पत्यांचा शोध शिवसैनिकांकडून घेतला जात होता. मात्र, नंतर पोलिसांनी (Mumbai Police) त्यांच्या घरी जाऊन त्यांना नोटीस बजावली आहे. मुंबई पोलीस आयुक्तांनी जमावबंदी आदेश लागू केलेले आहेत. पोलीस आयुक्तांच्या आदेशाचा […]
ADVERTISEMENT
खासदार नवनीत राणा (Navneet Rana) आणि आमदार रवि राणा (Ravi Rana) मुंबईत (Mumbai) दाखल झाले असून, त्यामुळे मातोश्री (Matoshree) परिसरात तणावाचं वातावरण निर्माण झालं आहे. राणा दाम्पत्यांचा शोध शिवसैनिकांकडून घेतला जात होता. मात्र, नंतर पोलिसांनी (Mumbai Police) त्यांच्या घरी जाऊन त्यांना नोटीस बजावली आहे.
मुंबई पोलीस आयुक्तांनी जमावबंदी आदेश लागू केलेले आहेत. पोलीस आयुक्तांच्या आदेशाचा उल्लेख करत पोलिसांनी कारवाई करण्याचा इशारा दिला आहे.
नवनीत राणा आणि रवि राणा यांनी मुख्यमंत्र्यांचं खासगी निवासस्थान असलेल्या मातोश्री बंगल्याबाहेर हनुमान चालीसा पठण करण्याचा इशारा दिलेला आहे. उद्या (२३ एप्रिल) राणा दाम्पत्य हनुमान चालीसा पठण करणार होते. मात्र, एक दिवस आधीच दोघेही मुंबईत दाखल झाले.
राणा दाम्पत्य मुंबईत आल्याचं कळताच शिवसैनिकांनी मातोश्रीबाहेर मोठी गर्दी केली होती. शिवसेनेचे अनेक नेतेही मातोश्री बाहेर जमले. नवनीत राणा आणि रवि राणा यांचा शोधही सुरूवातीला शिवसैनिकांकडून घेतला गेला. नंतर पोलिसांनी राणा दाम्पत्याला गाठून नोटीस बजावली.
हे वाचलं का?
