Arpita Mukherjee: पश्चिम बंगालमध्ये ईडीची मोठी कारवाई, TMC मंत्र्याच्या निकटवर्तीयाच्या घरी छापा
West Bengal SSC Recruitment Scam पश्चिम बंगाल येथील शिक्षण भरती घोटाळ्यासंदर्भात ईडीने मोठी कारवाई केली आहे. शिक्षण मंत्री पार्थ चटर्जी यांच्या निकटवर्तीय असलेल्या अर्पिता मुखर्जी यांच्या घरावर ईडीने छापा मारला आणि २० कोटींची रक्कम जप्त केली आहे. २ हजार रूपयांच्या नोटांचा खच लागलेले हे फोटो ईडीने ट्विट केले आहेत तसंच हे फोटो सोशल मीडियावर व्हायरलही […]
ADVERTISEMENT
West Bengal SSC Recruitment Scam पश्चिम बंगाल येथील शिक्षण भरती घोटाळ्यासंदर्भात ईडीने मोठी कारवाई केली आहे. शिक्षण मंत्री पार्थ चटर्जी यांच्या निकटवर्तीय असलेल्या अर्पिता मुखर्जी यांच्या घरावर ईडीने छापा मारला आणि २० कोटींची रक्कम जप्त केली आहे. २ हजार रूपयांच्या नोटांचा खच लागलेले हे फोटो ईडीने ट्विट केले आहेत तसंच हे फोटो सोशल मीडियावर व्हायरलही होत आहेत.
२० कोटींची रोकड पश्चिम बंगालच्या स्कूल सर्व्हिस कमिशन घोटाळ्याशी संबंधित?
ईडीने जप्त केलेल्या या रक्कमेचा ढिगाराचा दिसतो आहे. ही रक्कम वेस्ट बंगाल स्कूल सर्व्हिस कमिशन घोटाळ्याशी संबंधित आहे असा संशय ईडीला आहे. ही रक्कम २० कोटींची असून त्यासह ईडीने २० मोबाईल, कागदपत्रं तसंच इलेक्ट्रॉनिक्स वस्तूही जप्त केल्या आहेत. शुक्रवारी पश्चिम बंगालमध्ये ईडीने अनेक ठिकाणी धाडी टाकल्या.
ED is carrying out search operations at various premises linked to recruitment scam in the West Bengal School Service Commission and West Bengal Primary Education Board. pic.twitter.com/i4dP2SAeGG
— ED (@dir_ed) July 22, 2022
ईडीच्या एका अधिकाऱ्याने हे सांगितलं की शुक्रवारी ज्या ठिकाणी छापेमारी करण्यात आली त्यामध्ये शिक्षण मंत्री पार्थ चटर्जी, माजी शिक्षण मंत्री परेश अधिकारी, पश्चिम बंगाल प्रायमरी शिक्षण बोर्डाचे अध्यक्ष आणि आमदार मानिक भट्टाचार्य, पीके बंदोपाध्याय आणि सुकांता अचार्जी यांचा समावेश आहे. या कारवाईत ईडीने २० कोटींची रक्कम आणि २० मोबाईल जप्त केले आहेत.
असं सगळं असलं तरीही या घोटाळ्याशी टीएमसी म्हणजेच तृणमूल काँग्रेसचा काहीही संबंध नाही हे स्पष्ट करण्यात आलं आहे. तपासात ज्यांची नावं समोर आली आहेत त्यांच्याविषयी उत्तरं देणं वकिलांचं काम आहे. आम्ही तूर्तास हे काय प्रकरण आहे ते बारकाईने पाहात आहोत. वेळ आल्यावर आम्ही या प्रकरणी प्रतिक्रिया देऊ.
सुवेंदू अधिकारी म्हणतात हा तर नुसता ट्रेलर.. पिक्चर बाकी
ममता बॅनर्जी यांच्या पक्षाने तर या संदर्भातली जबाबदारी झटकली आहे. मात्र भाजपने या प्रकरणावरून तृणमूलवर निशाणा साधण्याची संधी सोडलेली नाही. भाजपचे नेते सुवेंदू अधिकारी यांनी ट्विट करून अर्पिता मुखर्जी यांच्या घरी २० कोटींची रक्कम मिळाली आहे आणि त्या शिक्षण मंत्री पार्थ चटर्जी यांच्या निकटवर्तीय आहेत. जो काही घोटाळा आहे त्याचा हा छोटा ट्रेलर तर नाही? या आशयाचं ट्विट त्यांनी केलं आहे.
सीबीआयने दाखल केलेल्या गुन्ह्याच्या आधारावर ईडी या प्रकरणाचा तपास करत आहे. कोलकाता हाय कोर्टानं सीबीआयला हे प्रकरण सोपवलं होतं. ईडीमधील सुत्रांनी दिलेल्या माहितीनुसार, लवकरच याप्रकरणी चौकशीसाठी ईडी सरकारी अधिकारी आणि दिग्गज नेत्यांना बोलवू शकतो. या प्रकरणाची चौकशी सुरु आहे.
हे वाचलं का?
