‘राज ठाकरे मुर्दाबाद’ मुरजी पटेलांना अर्ज मागे घेण्याचे आदेश दिल्यानंतर भाजपचे कार्यकर्ते भडकले
अंधेरी पूर्व विधानसभा मतदारसंघात होत असलेल्या निवडणुकीबद्दलची अंतिम भूमिका भाजपनं आज स्पष्ट केली. सुरुवातीला विधानसभा निवडणुकीसाठी दंड थोपटलेल्या भाजपनं ऐनवेळी मुरजी पटेलांना माघार घ्यायला लावली. त्यामुळे निवडणूक जिंकण्याचा दावा करणाऱ्या मुरजी पटेलांची निराशा झालीये. पण निवडणुकीत माघार घेतल्यानंतर मुरजी पटेल समर्थक भाजपच्या कार्यकर्त्यांचा संताप झाल्याचं बघायला मिळालं. अंधेरी पूर्वच्या पोटनिवडणुकीच्या निमित्तानं शिंदे विरुद्ध ठाकरे असा […]
ADVERTISEMENT
अंधेरी पूर्व विधानसभा मतदारसंघात होत असलेल्या निवडणुकीबद्दलची अंतिम भूमिका भाजपनं आज स्पष्ट केली. सुरुवातीला विधानसभा निवडणुकीसाठी दंड थोपटलेल्या भाजपनं ऐनवेळी मुरजी पटेलांना माघार घ्यायला लावली. त्यामुळे निवडणूक जिंकण्याचा दावा करणाऱ्या मुरजी पटेलांची निराशा झालीये. पण निवडणुकीत माघार घेतल्यानंतर मुरजी पटेल समर्थक भाजपच्या कार्यकर्त्यांचा संताप झाल्याचं बघायला मिळालं.
अंधेरी पूर्वच्या पोटनिवडणुकीच्या निमित्तानं शिंदे विरुद्ध ठाकरे असा संघर्ष बघायला मिळू शकतो, असं म्हटलं जात होतं. मात्र, निवडणुकीपूर्वीच या राजकीय संघर्षाला पूर्णविराम मिळालाय. भाजपनं अंधेरी पोटनिवडणुकीतून माघार घेतलीये. त्यामुळे मोठ्या तयारीने निवडणुकीच्या रिंगणात उतरलेल्या मुरजी पटेलांची निराशा झालीये. तर दुसरीकडे मुरजी पटेल समर्थक भाजप कार्यकर्त्यांमधूनही तीव्र संताप व्यक्त झालाय.
भाजपचे प्रदेशाध्यक्ष चंद्रशेखर बावनकुळे यांनी पोटनिवडणुकीतून माघार घेण्याची घोषणा केली. त्यानंतर मुरजी पटेलांनी अर्ज मागे घेतला. हा निर्णय जाहीर झाल्यानंतर मुरजी पटेल समर्थक भाजपच्या कार्यकर्त्यांनी पक्षाच्या भूमिकेवर टीका केलीये. मुरजी पटेल यांनी उमेदवारी अर्ज मागे घेतल्यानंतर तिथे जमलेले कार्यकर्ते आक्रमक झाले. त्यांनी घोषणाबाजीही केली.
ऋतुजा लटकेंच्या विजयाचा मार्ग मोकळा! भाजपची अंधेरी पोटनिवडणुकीतून माघार
हे वाचलं का?
