बजरंग दल कार्यकर्त्याच्या हत्येनंतर शिमोगा का उसळला हिंसाचार?, असं काय घडलं?

हिजाबच्या वादामुळे निर्माण झालेला तणाव निवळत असतानाच शिमोगामध्ये बजरंग दलाच्या कार्यकर्त्याची हत्या करण्यात आली. रविवारी रात्री साडेनऊ वाजताच्या सुमारास काही अज्ञातांनी २३ वर्षीय हर्षा या तरुणावर हल्ला केला.

अज्ञातांनी केलेल्या प्राणघातक चाकू हल्ल्यात हर्षा जखमी झाला. त्याला रुग्णालयात दाखल करण्यात आलं, मात्र तोपर्यंत त्याने प्राण सोडले होते. मगॅन हॉस्पिटलमध्ये डॉक्टरांनी मृत घोषित केल्यानंतर ही वार्ता शहरात पसरली आणि वातावरण पुन्हा तणावपूर्ण बनतं गेलं.