Vaccine: लहान मुलांच्या लसीबाबत एक मोठी आणि चांगली अपडेट

नागपूर: नागपुरात लहान मुलांच्या लसींच्या क्लिनिकल ट्रायलच्या दुसऱ्या टप्प्याला आजपासून (16 जून) सुरुवात होणार आहे. 6 ते 12 वर्ष वयोगटातील मुलांवर लसींची ट्रायल होणार आहे.

यामध्ये सहा ते बारा वर्षे वयोगटातील 35 मुलांची स्क्रिनिंग करण्यात आली आहे. लसींच्या ट्रायलपूर्वी या सर्व बालकांची ब्लड टेस्ट, आरटीपीसीआर टेस्ट देखील करण्यात आली आहे.

भारत बायोटेक निर्मित कोवॅक्सीन लसींच्या क्लिनिकल ट्रायलच्या पहिल्या टप्प्यात बारा ते अठरा वर्षे वयोगटातील 41 मुलांची निवड करण्यात आली होती. समाधानाची बाब म्हणजे या सर्व 41 मुलांमध्ये लस घेतल्यानंतर कुठलेही साईड इफेक्ट दिसून आलेले नसल्यामुळे 28 दिवसानंतर त्यांना लसीचा दुसरा डोस देण्यात येणार आहे.