हिंदी सिनेसृष्टीतला खलनायकचा बुलंद आवाज शांत! अभिनेते सलीम घोष यांचं निधन

घोष यांनी हिंदी, इंग्रजी, तमिळ, तेलुगू आणि मल्याळम सिनेमात कामं केली आहेत. तसंच टेलिव्हिजनवरच्या मालिकांमध्ये त्यांनी खलनायक म्हणून काम केलं आहे. अभिनेता विवान शाह यांनी सलीम घोष यांच्या निधनाचं वृत्त ट्विटरवरून शेअर केलं आहे.

१९७८ मध्ये सलीम यांनी अभिनय क्षेत्रामध्ये पदार्पण केलं. मंथन, चक्र, कलयुग, सारांश, त्रिकाल आघात, द्रोही, मोहन जोशी हाजिर हो, सरदारी बेगम, कोयला, सोल्जर या हिट चित्रपटांमधील सलीम यांच्या अभिनयाला प्रेक्षकांची पसंती मिळाली. ये जो है जिंदगी, सुबह, भारत एक खोज आणि संविधान या मालिकांमध्ये सलीम यांनी काम केलंय.