लग्नाचं आमिष देत घटस्फोटीत बहिणीवर अत्याचार, धमकी देऊन केला गर्भपात; भावाविरुद्ध गुन्हा दाखल

औरंगाबादमध्ये नात्याला काळीमा फासणारी एक घटना घडली आहे. आपल्याच नात्यातील घटस्फोटीत बहिणीला लग्नाचं आमिष दाखवत भावानेच तिच्यावर शारिरिक अत्याचार केल्याचं समोर आलंय. इतकच नव्हे तर बहिण गर्भवती राहिल्याचं लक्षात येताच भावाने धमकी देऊन दिला गर्भपात करायला लावला. औरंगाबादच्या क्रांती चौक पोलीस ठाण्यात या घटनेविरुद्ध गुन्हा दाखल करण्यात आला असून पोलीस तपास सुरु आहे. पांडुरंग उर्फ राहुल ईप्पर असं या आरोपी भावाचं नाव असल्याचं कळतंय.

मिळालेल्या माहितीनुसार, आरोपी भाऊ आणि पीडित महिला हे दूरच्या नात्याने भाऊ-बहिण लागतात. पीडित महिलेचा घटस्फोट झाल्यानंतर आरोपीने तिला मानसिक आधार देत मी तुझ्या मुलीचा आयुष्यभरासाठी सांभाळ करेन असं सांगत तिला लग्नाचं आश्वासन दिलं. इतकच नव्हे तर आरोपीने पीडित बहिणीच्या आई-वडीलांचा विश्वास संपादन केला. पीडित महिलेला पोटगीतून मिळालेल्या पैशांपैकी १ लाख ७५ हजार तर आईचे दागिने मोडून ५ लाख रुपये आरोपी उकळले.

चंद्रपूर : पतीपासून वेगळं राहत असलेली मुलगी राहिली गर्भवती; आईने सुपारी देऊन केली हत्या