राज्यपालांच्या विमान प्रवास वादावर CM ठाकरेंची पहिली प्रतिक्रिया

दरम्यान, राज्यपालांच्या विमानाप्रवासाबाबत आज विधानपरिषदेचे विरोधी पक्षनेते प्रविण दरेकर यांनी मात्र ठाकरे सरकारवर टीका केली आहे. ‘राज्यपालांना विमानातून उतरवणे हा पोरखेळ आहे. खरं तर हा घटनात्मक पदाचा अपमान आहे. मुख्यमंत्री ठाकरेंकडे विमान प्रवासाच्या परवानगीची फाइल गेली होती पण ती मुद्दाम बाजूला ठेवण्यात आली.’ असं म्हणत दरेकरांनी मुख्यमंत्र्यांवर निशाणा साधला.

राज्यपालांच्या विमान प्रवासाचा नेमका वाद काय?

राज्यपाल भगतसिंग कोश्यारी यांना काल (11 फेब्रुवारी) सकाळी देहरादून येथील लाल बहादूर अॅकेडमी येथील कार्यक्रमासाठी जायचं होतं. त्यासाठी ते शासकीय विमानात देखील बसले होते. मात्र, ऐनवेळी त्यांना सांगण्यात आलं की, या विमानाला उड्डाणासाठी सरकारकडून परवानगी देण्यात आलेली नाही. त्यामुळे राज्यपालांना त्या विमानातून पुन्हा खाली उतरावं लागलं. त्यानंतर राज्यपालांना ऐनवेळी तिकीट काढून व्यावसायिक विमानातून प्रवास करावा लागला.