बलात्कारी, दरोडेखोरांना पकडणं सोडून नारायण राणेंच्या घरी नोटीस लावायला पोलिसांना वेळ आहे-फडणवीस

बलात्कारी, दरोडेखोर यांना पकडण्यासाठी पोलिसांकडे वेळ नाही. त्या जिल्ह्यात जे काही सट्टा, जुगार सुरू आहे ते नियंत्रण करायला पोलिसांकडे वेळ नाही. मात्र नारायण राणेंच्या घरी नोटीस लावयाला वेळ आहे. काहीही झालं तरीही आम्ही नारायण राणेंच्या पाठिशी उभे आहोत असं वक्तव्य देवेंद्र फडणवीस यांनी जळगावात केलं आहे. चाळीसगावमध्ये छत्रपती शिवाजी महाराजांच्या अश्वारूढ पुतळ्याचा अनावरण समारंभासाठी देवेंद्र फडणवीस आले होते. त्यावेळी पत्रकारांनी त्यांना नारायण राणेंना पोलिसांनी बजावलेल्या नोटीसबाबत प्रश्न विचारला असता त्यांनी हे उत्तर दिलं आहे.

नारायण राणे पोलीस ठाण्यात हजर राहा! नितेश राणे प्रकरणात नोटीस

सिंधुदुर्गातल्या नितेश राणे प्रकरणात केंद्रीय मंत्री नारायण राणे यांना हजर राहण्यासंदर्भात महाराष्ट्र पोलिसांनी नोटीस बजावली आहे. नारायण राणे यांचा मुलगा आणि भाजप आमदार नितेश राणेंच्या जामीन अर्जावर सिंधुदुर्ग न्यायालयात सुनावणी सुरू असतानाच कणकवली पोलिसांनी ही नोटीस बजावली आहे.