राज्यातील सर्व सरकारी वाहनं इलेक्ट्रीक होणार, पर्यावरण मंत्री आदित्य ठाकरेंची मोठी घोषणा

राज्य सरकारने याआधीच हा निर्णय जाहीर केला होता. १ एप्रिल २०२२ पासून या निर्णायाची अंमलबजावणी होणार होती. परंतू आदित्य ठाकरेंनी या निर्णयाची अंमलबजावणी आता १ जानेवारी २०२२ पासूनच होणार असल्याचं जाहीर केलं आहे.

Keeping our commitment to clean mobility and encouraging citizens, the Govt of Maharashtra has decided to implement the decision of Purchasing or Renting only Electric Vehicles for Govt/ Urban Local Bodies/ Corporations from 1st January 2022 instead of 1st April 2022.

— Aaditya Thackeray (@AUThackeray) January 2, 2022

I’m grateful to CM Uddhav Thackeray ji, DCM Ajit Pawar ji and RM Balasaheb Thorat ji for their support to @MahaEnvCC ’s ambitious climate action policies to ensure the Govt actions further encourage citizens for climate mitigation, adaptation and resilience actions

— Aaditya Thackeray (@AUThackeray) January 2, 2022

या निर्णयासाठी आदित्य ठाकरेंनी मुख्यमंत्री उद्धव ठाकरे, उप मुख्यमंत्री अजित पवार, महसूल मंत्री बाळासाहेब थोरात यांचे आभार मानले आहेत. आपल्या सभोवतालचा परिसर प्रदुषणविरहीत करण्यासाठी सरकारने हा निर्णय घेतल्याचं आदित्य ठाकरेंनी स्पष्ट केलं.

पेट्रोल-डिझेलमुळे होणाऱ्या प्रदुषणामुळे गेल्या काही वर्षांपासून सरकारी पातळीवर इलेक्ट्रीक वाहनांच्या वापरावर जोर दिला जात आहे. अनेक कंपन्याही इलेक्ट्रीक गाड्यांच्या मार्केटमध्ये उतरल्या आहेत. केंद्रीय रस्ते वाहतूक मंत्री नितीन गडकरी यांनीही अनेकदा इलेक्ट्रीक गाड्यांच्या वापराचं महत्व अधोरेखित केलं आहे.