धक्कादायक ! चोरीच्या उद्देशाने स्फोटकं लावून ATM मशिनमध्ये घडवला स्फोट, पैसे घेऊन चोरटे पसार

चोरीसाठी चोरट्यांनी वापरलेल्या या हिंसक प्रकारामुळे चाकण भागात सध्या भीतीचं वातावरण पसरलं आहे. या स्फोटात एटीएम मशिनच्या दरवाजाच्या काचा फुटल्या तर पत्रे लांबपर्यंत जाऊन पडले. आंबेठाण गावाजवळ ही घटना घडली असून पोलिसांनी या प्रकरणात लगेचच तपासाला सुरुवात केली आहे.

या स्फोटामुळे मशिनमध्ये असलेली रक्कम बाहेर फेकली गेली तर काही रक्कम मशिनमध्ये सुरक्षीत आहे. चोरट्यांना शक्य झालं तेवढी रक्कम घेऊन त्यांनी घटनास्थळावरुन पोबारा केला. चाकण पोलिसांनी बॉम्ब शोधक पथक आणि डॉक स्कॉडच्या सहाय्याने तपासाला सुरुवात केली असून आरोपींना पकडण्यासाठी पोलीस पथकं रवाना करण्यात आली आहेत.