जिया खान आत्महत्या प्रकरण: विशेष CBI कोर्टाने दिला मोठा निकाल; सूरज पांचोलीची…
तब्बल 10 वर्षानंतर जिया खान आत्महत्या प्रकरणावर सीबीआयच्या विशेष कोर्टाने निकाल देताना अभिनेता सूरज पांचोलीची निर्दोष मुक्तता केली आहे. कोर्टाच्या या निकालामुळे जियाची आई राबिया खान यांना मात्र मोठा धक्का बसला आहे.
ADVERTISEMENT
मुंबई: बॉलिवूड अभिनेत्री जिया खानच्या मृत्यू प्रकरणाचा अखेर निकाल देण्यात आला आहे. मुंबईच्या विशेष सीबीआय न्यायालयाने दोन्ही बाजूंचा युक्तिवाद ऐकल्यानंतर जिया खान प्रकरणाचा निकाल राखून ठेवला होता. तब्बल 10 वर्षानंतर या प्रकरणावर कोर्टाने निकाल देताना अभिनेता सूरज पांचोलीची निर्दोष मुक्तता केली आहे. जिया खानने 3 जून 2013 रोजी मुंबईतील तिच्या घरी मृतावस्थेत आढळून आली होती. तिच्या निधनाने इंडस्ट्रीला मोठा धक्का बसला होता. या प्रकरणी जिया खानच्या आईने तिचा बॉयफ्रेंड सूरज पांचोलीवर गंभीर आरोप केले होते. त्यानंतर त्याला पोलिसांनी अटकही केली होती. मात्र, नंतर त्याची जामिनावर सुटका करण्यात आली होती. पण आता कोर्टाने त्याची निर्दोष मुक्तता केली आहे. न्यायालयाच्या या निर्णयामुळे जियाची आई राबिया खान यांना मात्र मोठा धक्का बसला आहे. (jiah khan death case special cbi court delivers major verdict acquitting actor sooraj pancholi)
सूरज पांचोलीला मोठा दिलासा
जिया खान आत्महत्या प्रकरणी सीबीआय न्यायालयाने सूरज पांचोलीची निर्दोष मुक्तता केली आहे. सूरजवर जियाला आत्महत्येस प्रवृत्त केल्याचा आरोप होता. जियाच्या आईने आपल्या मुलीच्या मृत्यूसाठी सूरजला जबाबदार धरले होते. पण पुराव्याअभावी न्यायालयाने सूरजची निर्दोष मुक्तता केली आहे. सूरजवर कोणताही खटला चालू शकत नाही, असे न्यायालयाने म्हटले आहे. कोर्टाचा निर्णय ऐकल्यानंतर सूरज पांचोलीने आभार मानले. तर सूरजची आई जरीना वहाब यांनीही सुटकेचा नि:श्वास सोडला. दुसरीकडे जिया खानची आई राबिया या निर्णयावर अजिबात खूश नाही.
जियाने तिच्या करिअरच्या शिखरावर असताना केलेली आत्महत्या
आपल्या करिअरच्या शिखरावर असतानाच 25 वर्षीय जिया खानने मृत्यूला कवटाळले होते. ज्यामुळे चित्रपटसृष्टीत खळबळ माजली होती. खरं तर जियाने अवघ्या तीनच चित्रपटात काम केलं होतं. पण तिने तिच्या अभिनयाच्या जोरावर आपला ठसा सिनेसृष्टीत उमटवला होता. जे अनेक नायिकांना वर्षानुवर्षे मेहनत करूनही करू जमत नाहीत.
हे ही वाचा>> न्यूड सीन करण्यापूर्वी रडलेली ‘ही’ अभिनेत्री रडली, आज जगतेय असे आयुष्य…
जियाने अमिताभ बच्चन यांच्यासोबत निशब्द या चित्रपटातून पदार्पण केलं होतं. त्यानंतर ती हाऊसफुल आणि गजनीमध्ये दिसली होती. यशस्वी करिअर असलेल्या जिया खानला फिल्म इंडस्ट्रीत मोठी संधी होती, पण त्याआधीच ती प्रेमात एवढी अडकली की एक दिवस त्रासून तिनं आपलं आयुष्य संपवलं.
हे वाचलं का?
