kabul Blast Video : काबूल पुन्हा हादरलं! विमानतळ परिसरात रॉकेट हल्ला
अफगाणिस्तानची राजधानी काबूल अवघ्या दोन दिवसांत पुन्हा हादरली. काबूल विमानतळ परिसरात दहशतवाद्यांनी रॉकेट हल्ला केला. रविवारी सायंकाळी करण्यात आलेल्या या हल्ल्याची दृश्ये समोर आली असून, यात जीवित हानी झाल्याचं वृत्त आहे. दहशतवाद्यांनी पुन्हा एकदा काबूल विमानतळाला लक्ष्य करत हल्ला केला आहे. काबूल विमानतळावर दहशतवाद्यांकडून पुन्हा हल्ला केला जाणार असल्याचा इशारा अमेरिकेनं दिला होता. त्यानंतर रविवारी […]
ADVERTISEMENT
अफगाणिस्तानची राजधानी काबूल अवघ्या दोन दिवसांत पुन्हा हादरली. काबूल विमानतळ परिसरात दहशतवाद्यांनी रॉकेट हल्ला केला. रविवारी सायंकाळी करण्यात आलेल्या या हल्ल्याची दृश्ये समोर आली असून, यात जीवित हानी झाल्याचं वृत्त आहे.
दहशतवाद्यांनी पुन्हा एकदा काबूल विमानतळाला लक्ष्य करत हल्ला केला आहे. काबूल विमानतळावर दहशतवाद्यांकडून पुन्हा हल्ला केला जाणार असल्याचा इशारा अमेरिकेनं दिला होता. त्यानंतर रविवारी सायंकाळी दहशतवाद्यांनी विमानतळ परिसरातील नागरी भागात रॉकेट हल्ला केला. काबूल विमानतळाजवळील खाजेह बग्रा परिसरातील गुलई भागात रॉकेट डागण्यात आल्याची माहिती आहे.
आतापर्यंत हाती आलेल्या माहितीनुसार या हल्ल्यात २ नागरिकांचा मृत्यू झाला आहे. ३ नागरिक जखमी झाले असून, जखमींमध्ये महिला व लहान मुलांचा समावेश असल्याचं वृत्त आहे. अफगाणिस्तानच्या आरोग्य मंत्रालयाशी संबंधित सूत्रांनी हल्ल्याच्या वृत्ताला दुजोरा दिला आहे. अमेरिकेचे अध्यक्ष जो बायडेन यांच्याकडून पुन्हा हल्ला होण्याची शंका व्यक्त करण्यात आल्यानंतर रॉकेट डागण्यात आले आहेत.
As per the latest reports multiple rockets fired towards #Kabul airport,one of them fell on near by residential building.
It will again jeopardise evacuation process ! pic.twitter.com/pw872FyP0a— Major Surendra Poonia (@MajorPoonia) August 29, 2021
तीन दिवसांपूर्वी म्हणजेच गुरुवारी दहशतवाद्यांनी काबूलमधील हमीद करझाई आंतरराष्ट्रीय विमानतळावर भीषण आत्मघाती स्फोट घडवून आणले होते. आयसिसच्या दहशतवाद्यांनी विमानतळ परिसरात फिदायीन बॉम्बस्फोट केला होता. या हल्ल्यात १७० नागरिक मरण पावले होते. ज्यात १३ अमेरिकन जवानांचाही समावेश होता.
हे वाचलं का?
