कल्याण: तरुणावर चॉपरने हल्ला, भाजप नगरसेवकासह 6 जणांवर हत्येच्या प्रयत्नाचा गुन्हा दाखल

नेमकं प्रकरण काय?

कल्याणच्या जोशीबाग परिसरात राहणारा भूषण जाधव या तरुणाला किरकोळ वादातून मारहाण झाली होती. ही मारहाण भाजपच्या माजी नगरसेवक सचिन खेमा यांनी केल्याने सचिन यांच्या विरोधात कल्याणच्या महात्मा फुले पोलीस ठाण्यात गुन्हा दाखल झाला होता.

भूषणने तक्रार केल्यानंतर सचिन खेमा यांचे समर्थक प्रचंड नाराज झाले होते. या परिसरात राहणारा अमजद सय्यद या तरुणाच्या सांगण्यावरनच भूषणने तक्रार केली आहे असा संशय खेमा यांचा होता. त्यामुळे त्याच्यावर राग काढण्यासाठी काल रात्री अमजद सय्यद याच्या घरी काही लोक गेले. त्याला घरातून बाहेर आणून त्याला बेदाम मारहाण करत त्याच्या पोटात चाकूने हल्ला केला गेला.