महाबळेश्वर: ITIच्या परीक्षेला जाणाऱ्या विद्यार्थ्याचा अपघातात जागीच मृत्यू, एक जण गंभीर जखमी
पाचगणी: महाबळेश्वरच्या नजीक असणाऱ्या पाचगणी उंब्रज येथे आयटीआय परीक्षेला जाणाऱ्या दोन तरुणांचा भीषण अपघात झाला. या अपघातात ऋषिकेश चंद्रकांत गोळे (वय 21) या युवकाचा मृत्यू झाला तर त्याच्या सोबत असलेला अविनाश गोळे (वय 20) हा अपघातात गंभीर जखमी झाला आहे. हे दोन्ही युवक महाबळेश्वर तालुक्यातील गोळेवाळी येथील आहेत. दुचाकीचा हा अपघात एवढा गंभीर होता की, […]
ADVERTISEMENT
पाचगणी: महाबळेश्वरच्या नजीक असणाऱ्या पाचगणी उंब्रज येथे आयटीआय परीक्षेला जाणाऱ्या दोन तरुणांचा भीषण अपघात झाला. या अपघातात ऋषिकेश चंद्रकांत गोळे (वय 21) या युवकाचा मृत्यू झाला तर त्याच्या सोबत असलेला अविनाश गोळे (वय 20) हा अपघातात गंभीर जखमी झाला आहे. हे दोन्ही युवक महाबळेश्वर तालुक्यातील गोळेवाळी येथील आहेत.
दुचाकीचा हा अपघात एवढा गंभीर होता की, ज्यामध्ये ऋषिकेश गोळे हा युवक जागीच ठार झाला तर करहर, तालुका जावळी येथील अविनाश गोळे हा युवक गंभीर जखमी झाला आहे.
जखमी अविनाशवर सध्या सातारा हॉस्पिटलमध्ये उपचार सुरू आहेत. यासंदर्भात घटनास्थळावरून मिळालेली माहिती अशी की, काल (9 जानेवारी) सकाळी आठच्या सुमारास उंब्रज येथे आयटीआय परीक्षेला दुचाकीवरून जाताना वळसे गावाजवळ महामार्गावरील अज्ञात वाहनाची जोरदार धडक बसल्याने ऋषिकेश गोळे याच्या डोक्याला जोरदार फटका बसल्याने त्याचा जागीच मृत्य झाला.
तर त्याच्यामागे दुचाकीवर बसलेला अविनाश गोळे याच्या डोक्याला गंभीर स्वरुपात मार लागल्याने तो जागीच बेशुद्ध झाला होता. त्याला तशाच अवस्थेत नजीकच्या रुग्णालयात दाखल करण्यात आले. नंतर पुढील उपचारांसाठी त्याला सातारा हॉस्पिटलमध्ये दाखल करण्यात आले.
हे वाचलं का?
