Record! महाराष्ट्रात एका दिवसात 5 लाखांपेक्षा जास्त लोकांचं लसीकरण

महाराष्ट्रात दिवसभरात पाच लाखांहून अधिक लोकांचं लसीकरण करण्यात आलं आहे. राज्यातल्या 6 हजार 155 केंद्रांवर या लसी देण्यात आल्या आहेत. 26 एप्रिल या एका दिवसात हा रेकॉर्ड महाराष्ट्राने केला आहे. महाराष्ट्राचं लक्ष्य रोज 6 ते 7 लाख लसी देण्याचं आहे. महाराष्ट्रात कोरोना रूग्णांचं प्रमाण वाढतं आहे. कोरोना व्हायरसमध्ये नवा म्युटंट आढळल्याने दुसऱ्या लाटेत कोरोना वेगाने पसरतो आहे. अशात लस देणं आणि लोकांना सुरक्षित करणं हे अत्यंत महत्त्वाचं ठरतं आहे. लस तुटवडा होऊनही महाराष्ट्राने दिवसभरात 5 लाखांपेक्षा जास्त लसी देण्याचा रेकॉर्ड साधला आहे. देशात आज घडीला सर्वाधिक लसीकरण हे महाराष्ट्रात केलं जातं आहे.