नरेंद्र दाभोळकर हिंदू विरोधी होते? न केलेल्या कवितेवरून सोशल मीडियावर बदनामी, वाचा काय आहे प्रकरण?

विवेकवादी कार्यकर्ते आणि अंधश्रद्धा निर्मूलनासाठी आपलं आयुष्य वेचणारे नरेंद्र दाभोळकर यांना समाजातील, तळागाळाती अंधश्रद्धा मिटावी यासाठी नरेंद्र दाभोळकर आयुष्यभर झटले. 20 ऑगस्ट 2013 ला नरेंद्र दाभोळकर यांची पुण्यात ओंकारेश्वर पुलावर अज्ञातांनी गोळ्या घालून हत्या केली. त्यांचे मारेकरी अद्यापही फरार आहेत. नरेंद्र दाभोळकर यांचं कार्य संपवण्याचा कुठेतरी विवेकाचा आणि विज्ञाननिष्ठ चळवळ संपवण्याचा प्रयत्न झाला. मात्र नरेंद्र दाभोळकर यांचं कार्य थांबलेलं नाही. त्यांच्या मुलांनी म्हणजेच हमीद आणि मुक्ता दाभोळकर या दोघांनीही हे कार्य अविरतपणे सुरू ठेवलं आहे. आपलं सगळं आयुष्य अंधश्रद्धा निर्मुलनासाठी वेचणाऱ्या दाभोळकरांची बदनामी सोशल मीडियावर सुरू आहे. एक कविता त्यांच्या नावाने व्हायरल केली जाते आहे. तसंच डॉ. सचिन चिंगरे यांनी त्या कवितेला दिलेलं उत्तरही व्हायरल होतं आहे. याबाबत मुंबई तकने डॉ. हमीद दाभोळकर यांच्याशी संपर्क साधला त्यावेळी त्यांनी हे उत्तर दिलं की जी कविता व्हायरल होते आहे ती नरेंद्र दाभोळकर यांची कविताच नाही. आपण जाणून घेऊ काय आहे हे संपूर्ण प्रकरण.