खाद्यपदार्थांच्या पार्सलसाठी वर्तमानपत्राचा कागद विसरा, अन्न आणि औषध प्रशासनाचा नवा आदेश

डायआयब्युटाइल फटालेट आणि डायइन आयसोब्युटाईल या रसायनांचा वापर वर्तमानपत्रांच्या छपाईसाठी केला जातो. हे केमिकल आरोग्यासाठी अत्यंत धोकादायक असतं. तसंच गरम पदार्थ त्या कागदावर ठेवले तर हे केमिकल विरघळते आणि ते खाद्यपदार्थात मिसळण्याचा धोका जास्त असतो. त्यामुळे अतिरिक्त तेल शोषून घेण्यासाठी टीश्यू पेपर किंवा पेपर टॉवेलचा उपयोग करावा हे सुचवले जाते. मात्र तसे होत नाही. या केमिकलमुळे पचनक्रिया बिघडू शकते आणि पोटाचे विकार जडण्याचीही शक्यता असते.