उस्मानाबादेत तेलाचा टँकर उलटला, स्थानिकांची तेल पळवण्यासाठी गर्दी

गुजरातमधील राजकोटवरुन तेलाने भरलेला हा टँकर बंगळुरुला जाण्यासाठी निघाला होता. सांगवीजवळ टँकरचं स्टेअरिंग बिघडल्यामुळे टँकरचा अपघात झाल्याचं कळतंय.

या अपघातात टँकरला भगदाड पडून मोठ्या प्रमाणात तेलगळतीला सुरुवात झाली. स्थानिक लोकांना याबद्दल माहिती कळताच, फुकटच्या गोडतेलावर हात मारण्यासाठी त्यांनी मोठ्या प्रमाणात गर्दी केली. महागाईच्या झळीने होरपळलेल्या नागरिकांनी घागर, कळशी,टाकी अन् मिळेल त्या भांड्यामध्ये तसेच मिळेल त्या वाहनाच्या सहाय्याने गोडतेलं लंपास केलं. पोलीस प्रशासनाला याबद्दल माहिती मिळताच त्यांनी घटनास्थळी येऊन जमावाला पांगवलं. परंतू तोपर्यंत नागरिकांनी तेलावर डल्ला मारला होता.