पंतप्रधान मोदींचं ठाकरे सरकारवर शरसंधान! मलिकांच्या बचावावरून साधला निशाणा?

पाच राज्यातील विजयानंतर संबोधित करताना पंतप्रधान मोदी यांनी केंद्रीय संस्थाबद्दल होत असलेल्या चर्चेबद्दल भाष्य केलं. त्याचबरोबर भ्रष्टाचाऱ्यांवर कारवाई झाल्यानंतर धर्माशी जोडलं जात असून, अशा भ्रष्टाचाऱ्यांना धर्म, जातीपासून दूर करण्याचं आवाहन केलं.

काय म्हणाले मोदी?

“आजच्या प्रसंगी मी देशासमोर माझ्या काही चिंता मांडू इच्छितो. देशातील नागरिक मोठ्या जबाबदारीने देशहितासाठी काम करत आहे. राष्ट्रनिर्माणात लोक लागले आहेत. मात्र काही लोक वारंवार खालच्या स्तरावरील राजकारण करत आहेत. कोरोना काळात राजकारण केलं गेलं”, असं मोदी म्हणाले.